આર્થિક ગુનાની તપાસ માટે રાજકોટમાં અલગ સેટઅપ ઉભું કરાશે

0
75
  • વર્ષ 2021ના પ્રારંભે જ શહેર પોલીસનું નવું મહેકમ કાર્યરત કરાશે: ગુનેગારો અને ગુનાખોરીને કાબૂમાં લેવા પોલીસ કમિશનરનો એકશન પ્લાન


રાજકોટ શહેરની વસ્તી દિનપ્રતિદિન વધી રહી હોય ત્યારે રાજકોટ શહેરની વસ્તી ની સંખ્યા ની સામે શહેર પોલીસનું સંખ્યાબળ ઓછું હોય જેના કારણે સુરક્ષા વ્યવસ્થા માં ખૂબ મુશ્કેલી પડતી હોય શહેર પોલીસ દળના મહેકમ માં વધારો કરવા કરાયેલી માગણીને ગૃહ વિભાગે મંજુરી આપતા હવે શહેર પોલીસનું 2250 નું મહેકમ વધીને 2700 થવા જઈ રહ્યું છે ત્યારે મુખ્યમંત્રીના શહેરમાં ખાસ કરીને આર્થિક અપરાધો સામે રક્ષણ માટે રાજકોટમાં ઇકોનોમિક સેલની રચના કરવામાં આવનાર છે જેના માટે ખાસ સ્ટાફની ફાળવણી કરવામાં આવશે.


પોલીસ કમિશનર મનોજ અગ્રવાલ સંયુક્ત પોલીસ કમિશનર ખુરશીદ અહેમદ તથા નાયબ પોલીસ કમિશનર મનોહરસિંહ જાડેજા અને નાયબ પોલીસ કમિશનર પ્રવીણ કુમાર મીણા સહિતના અધિકારીઓએ રાજકોટ શહેરમાં વસ્તીની સામે પોલીસનું સંખ્યાબળ ઓછું હોય જે બાબતે મુખ્યમંત્રી અને ગૃહ વિભાગ સમક્ષ વધારાના મહેકમ માટેની માંગણી કરી હતી જે માંગણીને સ્વીકાર કરવામાં આવી છે અને રાજકોટ શહેરમાં વધારાના મહેકમની મંજૂરી આપવામાં આવી છે જેમાં 5 નવા પી.આઈ, 49 પીએસઆઇ, 398 એ.એસ.સાઈ/ હેડ કોન્સ્ટેબલ તથા કોન્સ્ટેબલ ની જગ્યા મંજૂર કરવામાં આવી છે. સાથે સાથે શહેરમાં વધતી જતી ટ્રાફિકની સમસ્યાને જેને લઇને ટ્રાફિક શાખામાં 97 નવી જગ્યાઓ મંજૂર કરવામાં આવી છે જેમાં 3 પીએસઆઇ,12 એએસઆઈ,24 હેડ કોન્સ્ટેબલ અને 58 કોન્સ્ટેબલનો સમાવેશ કરવામાં આવ્યો છે. સાથે સાથે કેદી જપ્તા પાર્ટી અને વીવીઆઈપીની સુરક્ષા માટે પૂરતો પોલીસ સ્ટાફ ઉપલબ્ધ રહે તે માટે 313 જગ્યા મંજૂર કરવામાં આવી છે જેના માટે 2 હથિયારી પીઆઇ,7 હથિયારી પીએસઆઇ ,75 હથિયારી હેડ કોન્સ્ટેબલ અને 225 હથિયારી કોન્સ્ટેબલ સાથે ચાર ડોગ હેન્ડલર ના સ્ટાફને મંજૂરી અપાઇ છે. તેમજ પોલીસ હેડ કોટર ના  ભાગમાં 30 ડ્રાઇવરોની આઉટસોર્સથી ભરતી કરવા માટે પણ મંજૂરી આપવામાં આવી છે.


રાજકોટ પોલીસ દ્વારા સાઇબર સેલ પોલીસ સ્ટેશન શરૂ કયર્િ બાદ હવે મુખ્યમંત્રીના શહેરમાં આર્થિક અપરાધો સામે રક્ષણ માટે અને આર્થિક ગુનાઓ ને કાબુમાં લેવા માટે અને આર્થિક ગુનાઓની તપાસ માટે ખાસ અલગથી સેટઅપ ઉભુ કરવામાં આવશે અને નવા મંજુર થયેલ મહેકમ માંથી ઇકોનોમિક સેલની રચના કરવામાં આવશે જેમાં એક પીઆઈ સહિતના પોલીસ ટીમની નિમણૂક કરવામાં આવશે જે આર્થિક ગુનાઓની તપાસ કરશે તેમાં ટેકનોલોજીક અલી મદદ માટે સાઈબર સેલ ની પણ મદદ લેવાશે. પોલીસ કમિશનર મનોજ અગ્રવાલે જણાવ્યું હતું કે સરકાર દ્વારા મંજૂર થયેલા નવા મહેકમ ની નવા વર્ષ 2021 સુધીમાં ભરતી કરી દેવામાં આવશે અને વર્ષના પ્રારંભે જ શહેર નું નવું પોલીસ મહેકમ કાર્યરત કરી દેવામાં આવશે.

  • ક્રાઈમ બ્રાન્ચ સહિતની ઓફિસ પોલીસ હેડ કવાર્ટર ખાતે ખસેડશે

શહેરના પોલીસ હેડ ક્વાર્ટર ખાતે બહુમાળી ઇમારતનું નિમર્ણિ કરવામાં આવી રહ્યું છે અને આ નિમર્ણિ કાર્ય ટૂંક સમયમાં જ પૂરું થશે ત્યારે શહેરના પોલીસ કમિશનર કચેરી ખાતે કાર્યરત ક્રાઈમ બ્રાન્ચ સહિતની મહત્ત્વની બ્રાંચની ઓફિસને પોલીસ હેડ કવાર્ટર ખાતે ખસેડવામાં આવશે. રાજ્યના અન્ય શહેરો અમદાવાદ વડોદરા અને સુરતમાં ક્રાઈમ બ્રાન્ચ એસ.ઓ.જી અને એટીએસ તેમજ સાયબર સેલ અને ઇકોનોમિક્સ જેવી મહત્વની બ્રાન્ચ એક જ કચેરી ખાતે કામ કરતી હોય ત્યારે આગામી દિવસોમાં શહેર પોલીસના નવા મહેકમની મંજૂરી બાદ મોટા ભાગની મહત્વની બ્રાન્ચ ને પોલીસ હેડ ક્વાર્ટર ખાતે નવા બનતા બહુમાળી ઇમારત ખાતે ખસેડવામાં આવશે.

LEAVE A REPLY

Please enter your comment!
Please enter your name here