શ્રીલંકા-UAE બાદ આ દેશ પણ IPLની મીજબાની માટે તૈયાર, BCCIને કરી રજૂઆત

0
75

નવી દિલ્હી: કોરોના વાયરસના સંક્રમણના ઝડપથી વધી રહેલા કેસોને કારણે જો ઈન્ડિયન પ્રીમિયર લીગ (IPL) ભારતમાં આયોજિત ન થઈ શકે તો સંયુક્ત આરબ અમીરાત (UAE) અને શ્રીલંકા બાદ ન્યૂઝીલેન્ડે મેજબાનીની રજૂઆત કરી છે. ઑક્ટોબર-નવેમ્બરમાં ઑસ્ટ્રેલિયામાં યોજાનારા વર્લ્ડકપનું સ્થગિત થવું નક્કી માનવામાં આવી રહ્યું છે જેનાથી આઈપીએલ માટે આ વિન્ડો બને છે. BCCI પહેલેથી જ સપ્ટેમ્બરના અંતથી મિડ નવેમ્બરની વચ્ચે IPL યોજવાની શક્યતાઓ પર વિચાર કરી રહ્યું છે.

બોર્ડનો પ્રથમ વિકલ્પ લીગને ભારતમાં જ યોજવાનો હશે પણ અહીં કોરોનાની સ્થિતિને જોતા તે શક્ય લાગી રહ્યું નથી. અમેરિકા અને બ્રાઝીલ બાદ સૌથી વધુ કેસ ભારતમાં જ છે. બોર્ડના એક સીનિયર અધિકારીએ કહ્યું કે, ‘ભારતમાં IPL કરાવવી અમારી પ્રાથમિકતા રહેશે પણ અહીં ન થઈ શકે તો બીજા વિકલ્પો જોવા પડશે. UAE, શ્રીલંકા અને ન્યૂઝીલેન્ડ મેજબાનીની રજૂઆત કરી ચૂક્યા છે.’

સાઉથ આફ્રિકા અને UAE કરી ચૂક્યા છે મિજબાની

તેમણે કહ્યું કે, ‘અમે તમામ સંબંધિત પક્ષોને ભેગા કરીને નિર્ણય લઈશું. ખેલાડીઓની સુરક્ષા સર્વોપરિ છે. તેની સાથે કોઈ સમાધાન નહીં થાય.’ IPLની 2009ની સિઝન ભારતમાં લોકસભા ઈલેક્શનને કારણે દક્ષિણ આફ્રિકામાં રમાઈ હતી. આ જ કારણોસર 2014માં કેટલીક મેચો UAEમાં રમાઈ હતી પણ 2019માં ચૂંટણી છતાં IPL ભારતમાં જ રમાઈ. જો IPL વિદેશમાં રમાશે તો UAE આ દોડમાં સૌથી આગળ છે.

ભારતના લોકોને થશે આ સમસ્યા

ન્યૂઝિલેન્ડ ભલે કોરોના મુક્ત થઈ ચૂક્યું છે પણ ભારત અને ત્યાંના સમયમાં સાડા સાત કલાકનો ફર્ક છે. જો મેચ બપોરે 12.30 વાગ્યે શરૂ થાય તો ઑફિસ જનારા અથવા ઘરેથી કામ કરનારા લોકો પણ તે જોઈ શકશે નહીં. હેમિલ્ટનથી ઑકલેન્ડ ઉપરાંત વેલિંગ્ટન, ક્રાઈસ્ચર્ચ, નેપિયર અથવા ડુનેડિન વિમાનથી જ જઈ શકાય છે. અધિકારીએ જણાવ્યું કે, IPL સંચાલન પરિષદની બેઠકની તારીખ ટૂંક સમયમાં જણાવવામાં આવશે જેમાં આ તમામ બાબતો અને ચાઈનીઝ સ્પોન્સરશિપ પર ચર્ચા થશે.

બોર્ડનો ચાઈનીઝ મોબાઈલ નિર્માતા કંપની વીવો સાથે પાંચ વર્ષનો IPL ટાઈટલ સ્પોન્સરશિપનો કરાર છે જેનાથી 2022 સુધી વાર્ષિક 440 કરોડ રૂપિયા મળવાના છે. ચાઈનીઝ રોકાણવાળી ભારતીય કંપની Paytm પણ IPL સાથે જોડાયેલી છે.

LEAVE A REPLY

Please enter your comment!
Please enter your name here