ગ્રાહકોને માસ્ક શેપના પરાઠા અને વાયરસ શેપના ઢોંસા પીરસી રહી છે આ રેસ્ટોરાં

0
104

તમિલનાડુના મદુરાઈ શહેરના પરાઠા ખૂબ ફેમસ છે. કોરોના વાયરસ અને લોકડાઉનના આ સમયમાં મદુરાઈની એક રેસ્ટોરાંના માલિકે ખાણી-પીણી દ્વારા મહામારી સામે જાગૃતતા ફેલાવવાનો પ્રયાસ કર્યો છે. શહેરની ટેમ્પલ સિટી રેસ્ટોરાંના માલિક કે.એલ. કુમારે વાયરસ પ્રત્યે લોકોને જાગૃત કરવા માટે ફેસ માસ્ક શેપના પરાઠા બનાવવાનું શરૂ કર્યું છે. જેની તસવીરો સોશિયલ મીડિયા પર ખૂબ વાયરલ થઈ રહી છે.

મદુરાઈમાં હાલમાં કોવિડ-19ના કેસ સતત વધી રહ્યા છે, ત્યારે કઈ બાબતે તેમને માસ્ક શેપના પરાઠા બનાવવા માટે પ્રેરિત કર્યા તે અંગે વાતચીત કરતાં રેસ્ટોરાંના માલિકે કહ્યું કે, ‘કોર્પોરેશને લોકોને માસ્ક ફરજિયાત પહેરવાનું કહ્યું હોવા છતાં કેટલાક લોકો તેનું પાલન કરી રહ્યા નથી. તેથી હું લોકોમાં જાગૃતતા આવે તે હેતુથી કંઈક કરવા ઈચ્છતો હતો’, તેમ અમારા સહયોગી TOI સાથે થયેલી ટેલિફોનિક વાતચીતમાં કુમારે કહ્યું. રેસ્ટોરાંના પરોઠા માસ્ટર સાથે આ અંગે ચર્ચા કર્યા પછી, પરાઠા બનાવવાની શરૂઆત કરી હતી.

અન્ય પરાઠાની જેમ ખાઈ શકાય તેવા આ એક માસ્કની કિંમત 50 રૂપિયા છે. લોકો તેની સાથે સેલ્ફી ક્લિક કરે તેવો જ માત્ર તેનો હેતુ નથી પરંતુ લોકો માસ્કનું મહત્વ સમજે અને તેનો ઉપયોગ કરે તે પણ જરૂરી છે, તેમ તેમણે ઉમેર્યું.

‘જે લોકો માસ્ક પહેર્યા વગર અમારી રેસ્ટોરાંમાં આવે છે તેમને અમે ફ્રીમાં માસ્ક આપીએ છીએ. જ્યારથી પરોઠાની તસવીરો સોશિયલ મીડિયા પર વાયરલ થઈ રહી છે ત્યારથી અમને લોકો તરફથી સતત ફોન આવી રહ્યા છે. અમે આમ તો માત્ર સાંજના ઓર્ડર માટે જ પરાઠા બનાવવાનું શરૂ કર્યું હતું. પરંતુ લોકો તરફથી ઘણી બધી રિક્વેસ્ટ આવ્યા બાદ અમે બ્રેકફાસ્ટમાં પણ આ પરાઠા આપીએ છીએ. જ્યાં સુધી ઓર્ડર આપનારી વ્યક્તિ માસ્ક પહેરે છે ત્યાં સુધી કોઈ વાંધો નથી’, તેમ કે.એલ. કુમારે જણાવ્યું હતું.

પરાઠા સિવાય રેસ્ટોરાં કોરોના વાયરસ શેપના ઢોંસા અને બોન્ડા પણ સર્વ કરે છે. ‘વાયરસ સામેની લડાઈમાં અમે પૂરતો પ્રયાસ કરી રહ્યા છીએ તે વાતની અમને ખુશી છે’, તેમ અંતમાં કુમારે કહ્યું હતું.

LEAVE A REPLY

Please enter your comment!
Please enter your name here