- સુરત જિલ્લાના ઉમરપાડા, કામરજેમાં અડધો ઈંચથી વધુ
- નવસારી, વલસાડ, તાપી અને સુરત જિલ્લામાં વરસાદ
સુરત. દક્ષિણ ગુજરાતમાં આગાહીને લઈને આજે સવારથી જ વરસાદી માહોલ છવાયો છે. જેમાં અત્યાર સુધીમાં 17 તાલુકામાં હળવો વરસાદ પડ્યો છે. સુરત જિલ્લાના ઉમરપાડા અને કામરેજમાં અડધો ઈંચથી વધુ વરસાદ પડ્યો છે.
બે દિવસ હળવાથી મધ્યમ વરસાદની આગાહી
સુરત શહેર સહિત દક્ષિણ ગુજરાતમાં વહેલી સવારથી જ ધીમીધારે વરસાદ પડી રહ્યો છે. સવારથી અત્યાર સુધીમાં દક્ષિણ ગુજરાતના 17 તાલુકામાં હળવો વરસાદ પડ્યો છે. જ્યારે અન્ય તાલુકા કોરાકટ રહ્યા છે.આગામી બે દિવસ સુધી સુરત સહિત દક્ષિણ ગુજરાતમાં હળવાથી મધ્યમ વરસાદ પડવાની આગાહી કરવામાં આવી છે.
આજે સવારથી અત્યાર સુધીનો વરસાદ
| તાલુકો | વરસાદ(મીમી) |
| ઉમરપાડા | 19 |
| કામરેજ | 17 |
| માંગરોળ | 10 |
છેલ્લા 24 કલાકમાં નોંધાયેલો વરસાદ
| તાલુકો | વરસાદ(મીમી) |
| માંગરોળ | 42 |
| વાંસદા | 33 |
| બારડોલી | 29 |
| પલસાણા | 28 |
| ચીખલી | 26 |
| નવસારી | 25 |
| ઉમરગામ | 24 |
| ધરમપુર | 21 |
