બોલિવૂડ સ્ટાર આમિર ખાન અને બીજી પત્ની કિરણ રાવ લગ્નના 15 વર્ષ પછી ડિવોર્સ લઈ રહ્યા છે. બંનેએ સાથે નિવેદન જાહેર કરીને ડિવોર્સની વાત કરી છે. આમિર ખાનના ફેન્સ માટે આ ન્યૂઝ ખૂબ ચોંકાવનારા છે. જોકે તેનાથી પણ વધારે ચોંકાવનારી વાત એ છે કે, આમિર અને કિરણના ડિવોર્સ પછી સોશિયલ મીડિયા પર આમિર ખાનની કો-સ્ટાર દંગલ ગર્લ ફાતિમા સના શેખ ખૂબ ટ્રેન્ડ કર રહી છે.
હકિકતમાં હવે લોકો સોશિયલ મીડિયા પર અટકળો લગાવી રહ્યા છે કે, આમિર ખાનનું કિરણ રાવ સાથેના ડિવોર્સનું કારણ ફાતિમા સના શેખ છે. આમિર ખાન અને ફાતિમા સના શેખે ફિલ્મ દંગલમાં એક સાથે કામ કર્યું હતું. આ ફાતિમાની ડેબ્યુ ફિલ્મ હતી અને તેમાં તેણે આમિર ખાનની દિકરીનો રોલ કર્યો હતો. સોશિયલ મીડિયા પર લોકો #Fatimaથી સતત ટ્વિટ કરી રહ્યા છે. જુઓ અમુક યુઝર્સના રિએક્શન્સ…
નોંધનીય છે કે, આમિર ખાન અને ફાતિમા સના શેખની લિંકઅપની અફવાઓ પહેલાં પણ સામે આવી છે. આ સમાચારો વિશે રિએક્ટ કરતાં તે સમયે ફાતિમાએ કહ્યું હતું કે, તે આમિકને તેના માર્ગદર્શક અને લાઈફ ગુરુ માને છે. જોકે અત્યારે પણ સોશિયલ મીડિયા પર આમિર અને ફાતિમાના લિંકઅપ વિશે ખૂબ જ ગોસિપ્સ થતી હોય છે.
નોંધનીય છે કે, 56 વર્ષના આમિર ખાનના 2005માં કિરણ રાવ સાથે લગ્ન થયા હતા. આમિરે આ પહેલાં 1986માં રીના દત્તા સાથે લગ્ન કર્યા હતા. આમિર અને રિનાના બે બાળકો છે- જુનૈદ અનેઈરા ખાન. આમિર અને રિનાના 2002માં ડિવોર્સ થઈ ગયા હતા. આમિર ખાન હવે તેની નેક્સ્ટ ફિલ્મ લાલ સિંહ ચઢ્ઢામાં જોવા મળશે. જે આ વર્ષે ક્રિસમસમાં રિલીઝ થવાની છે.
