રાજ્યના મહેસુલ મંત્રી કૌશિક પટેલ ના મોટાભાઈ ગૌતમ પટેલે આજે અમદાવાદ ખાતેના પોતાના બંગલામાં ગળાફાંસો ખાઇ આત્મહત્યા કરી લીધી છે. ઘટનાની જાણ પોલીસને થતાં જ પોલીસ ઘટનાસ્થળે દોડી ગઇ હતી.
મળતી માહિતી અનુસાર ગૌતમ પટેલે પોતાના શીલજ ખાતેના બંગલે ગળેફાંસો ખાઈ આત્મહત્યા કરી છે. આ ઘટના સમયે તેમનો પુત્ર અને પુત્રવધુ ઘરમાં હાજર હતા. જોકે પોલીસને કોઈ સુસાઇડ નોટ મળી આવી નથી આ અંગે પોલીસ તપાસ ચાલી રહી છે.
