રિલાયન્સ ઈન્ડસ્ટ્રીના માલિક મુકેશ અંબાણીના ઘરમાં ફરી એક વખત ખુશીની શરણાઈઓ વાગી રહી છે. મુકેશ અને નીતા અંબાણીના નાના પુત્ર અનંત અંબાણી વરરાજ બનવા જઈ રહ્યા છે. અનંત અંબાણીના રાધિકા મર્ચન્ટ સાથેના લગ્નની તૈયારીઓ પુરજોશમાં ચાલી રહી છે. આ કપલ ટૂંક સમયમાં જ ભવ્ય સમારોહમાં લગ્નના બંધનમાં બંધાશે. હાલમાં અંબાણી અને વેપારી પરિવારોમાં પ્રી-વેડિંગ ફંક્શન શરૂ થઈ ગયાં છે.
ગત વર્ષે 29 ડિસેમ્બરે અનંત અને રાધિકા મર્ચન્ટ (Radhika Merchant)ની રાજસ્થાનના નાથદ્વારામાં શ્રીનાથજી મંદિરમાં સગાઈ થઈ હતી. ત્યારે હવે રાધિકાની મહેંદી સેરેમનીની તસવીર અને વીડિયો સોશિયલ મીડિયામાં વાઇરલ થઈ રહ્યાં છે.
રાધિકાએ અનંતના નામની મહેંદી લગાવી
પિન્ક કલરના સુંદર લેંઘામાં રાધિકા ખૂબ સુંદર લાગી રહી છે. રાધિકાએ તેના હાથ પર અનંતના નામની મહેંદી લગાવી અને તેના મહેંદીવાળા હાથ પણ ફ્લોન્ટ કર્યા હતા. આ દરમિયાન રાધિકાના ચહેરા પર ખુશી જોવા મળી હતી.
રાધિકાએ ‘ઘર મોરે પરદેશિયા…’ ગીત પર ખૂબ સુંદર ડાન્સ કર્યો હતો. રાધિકા એક ડાન્સર છે, તેણે 8 વર્ષ સુધી ભરતનાટ્યમની તાલીમ લીધી છે. સેરેમનીમાં હાજર તમામ લોકો રાધિકાનો ડાન્સ જોઈને તાળીઓ પાડી રહ્યા હતા.
ક્લાસિકલ ડાન્સર છે રાધિકા
અંબાણી પરિવારની નાની પુત્રવધૂ બનવા જઈ રહેલી રાધિક મર્ચન્ટ વિરેન મર્ચન્ટ અને શૈલા મર્ચન્ટની દીકરી છે. વિરેન એનકોર હેલ્થકેરના CEO છે. રાધિકા એક ટ્રેન્ડ ઈન્ડિયન ક્લાસિકલ ડાન્સર છે.
29 ડિસેમ્બર 2022ના રોજ અનંત અને રાધિકાએ રાજસ્થાનના નાથદ્વારામાં શ્રીનાથજી મંદિરમાં સગાઈ સમારોહ કર્યો હતો. આ પછી અંબાણી પરિવારે મુંબઈમાં સગાઈની પાર્ટી પણ યોજી હતી. ટૂંક સમયમાં જ આ કપલ લગ્નના બંધનમાં બંધાશે.
વર્ષોથી એકબીજાનાં મિત્ર છે રાધિકા અને અનંત
અનંત અને રાધિકા લાંબા સમયથી એકબીજાને ઓળખે છે. રાધિકાને અંબાણી પરિવારનાં દરેક ફેમિલી ફંકશન્સમાં જોઈ શકાય છે. હવે ટૂંક સમયમાં જ તે અંબાણી પરિવારની નાની પુત્રવધૂ બનવા જઈ રહી છે.
