નેશનલ સ્કોલરશિપ 2020 : 10મા-12મા ધોરણમાં પાસ થયેલા વિદ્યાર્થીઓ માટે નેશનલ સ્કોલરશિપ પોર્ટલ એક્ટિવ થયું, ઉમેદવારો ઓનલાઇન અરજી કરી શકશે.

નેશનલ સ્કોલરશિપ પોર્ટલ (NSP)એ કેન્દ્ર સરકારના વિવિધ મંત્રાલયો હેઠળ આવતા 16 પ્રકારની નેશનલ લેવલની સ્કોલરશિપ માટે પોર્ટલ એક્ટિવ કરી દીધું છે. જે વિદ્યાર્થીઓએ 10મા-12મા ધોરણની બોર્ડની પરીક્ષા પાસ કરી હોય તેઓ આ નેશનલ સ્કોલરશિપ્સ માટે અરજી કરી શકે છે. આમાંથી મોટાભાગની સ્કોલરશિપ્સ મેટ્રિક લેવલની જ છે. વિદ્યાર્થીઓ NSP પોર્ટલ scholarships.gov.in પર જઇને ઓનલાઇન અરજી કરી શકે છે.

વિવિધ મંત્રાલયે સ્કોલરશિપ્સ સ્કીમ બહાર પાડી છે
જે વિદ્યાર્થીઓને શિષ્યવૃત્તિ યોજનામાં રસ હોય તેઓ પોર્ટલ પર તેની વિગતવાર ગાઇડલાઇન્સ જોઈ શકે છે. વિદ્યાર્થીઓ, લાયકાત, શિષ્યવૃત્તિની રકમ, ડોક્યૂમેન્ટ્સ એપ્લિકેશન વગેરે સહિત તમામ જાણકારીઓ ગાઇડલાઇન્સમાંથી જોઈ શકાય છે. ભારત સરકારના જુદા જુદા મંત્રાલયે બધી સ્કોલરશિપ્સ યોજનાઓ જાહેર કરી છે. તેમાં લઘુમતી બાબતોનું મંત્રાલય, વિકલાંગ વ્યક્તિઓના સશક્તિકરણ વિભાગ, સામાજિક ન્યાય અને અધિકારીતા મંત્રાલય, શ્રમ અને રોજગાર મંત્રાલય, શાળા શિક્ષણ અને સાક્ષરતા વિભાગ, ઉચ્ચ શિક્ષણ વિભાગ, આદિજાતિ બાબતોનું મંત્રાલય, RPF/RPSF રેલવે મંત્રાલય વગેરેનો સમાવેશ થાય છે.

નેશનલ સ્કોલરશિપ સ્કીમ્સ અને અરજી કરવાની છેલ્લી તારીખ