ગુજરાતમાં મેઘો ઓળધોળ:રાજ્યમાં આજે પણ અતિભારે વરસાદની સ્થિતિ, મોરબી અને ટંકારામાં 2 કલાકમાં 3 ઈંચ વરસાદ ખાબક્યો

• ગઈકાલે રાજ્યના 60 તાલુકામાં 4 ઈંચથી વધુ વરસાદ નોઁધાયો હતો
• રાજ્યમાં સૌથી વધુ સાડા તેર ઈચ વરસાદ જામનગરના જોડીયા અને 13 ઈંચ વરસાદ મહેસાણાના કડીમાં નોંધાયો

છેલ્લા બે દિવસથી રાજ્યમાં ભારે વરસાદ છે. આજે રાજ્યના સ્ટેટ ઈમરજન્સી ઓપરેશન સેન્ટર દ્વારા મળતી માહિતી મુજબ રાજ્યના 126 તાલુકામાં મેઘરાજાની પધરામણી થઈ છે. રાજ્યમાં આજે પણ અતિભારે વરસાદની સ્થિતિ છે. મોરબીના ટંકારા અને મોરબીમાં સૌથી વધુ 3 ઈંચ વરસાદ ખાબક્યો છે. જ્યારે સુરેન્દ્રનગરના દસાડા, પાટણના સિધ્ધપુર, કચ્છના ભુજ, રાજકોટના ધોરાજી, મોરબીના વાંકાનેર, અમરેલીના વાડીયા અને સુરેન્દ્રનગરના થાનગઢમાં 2 ઈંચ વરસાદ નોઁધાયો છે. ગઈકાલે રાજ્યમાં સૌથી વધુ વરસાદ જામનગરના જોડીયામાં સાડા તેર ઈંચ વરસાદ નોંધાયો હતો.

કડીમાં રોડ પર પાણી ભરાતા ટ્રાફિકજામના દ્રશ્યો સર્જાયા

આજે સવારે 6 વાગ્યાથી 8 વાગ્યા સુધી નોંધાયેલા વરસાદના આંકડા

પાટણમાં કેડસમા પાણી ભરાયા હતા

રાજ્યના 60 તાલુકામાં 4 ઈંચથી વધુ વરસાદ
ગઈકાલે રાજ્યના 251 તાલુકા પર મેઘરાજા ઓળધોળ થઈને વરસી પડ્યા હતા. રાજ્યમાં 60 જેટલા તાલુકામાં 4 ઈંચથી વધારે વરસાદ નોઁધાયો હતો. જેમાં રાજ્યના સ્ટેટ ઈમરજન્સી ઓપરેશન સેન્ટરમાંથી મળતી વિગત અનુસાર રાજ્યનો સૌથી વધુ સાડા તેર ઈંચ વરસાદ જામનગરના જોડીયા અને 13 ઈંચ વરસાદ મહેસાણાના કડીમાં નોંધાયો હતો. આ સિવાય મોરબીના ટંકારામાં 11 ઈંચ, સુરતના ઉમરપાડામાં 10 ઈંચ, મોરબીમાં 10 ઈંચ, મહેસાણાના બેચરાજીમાં 9 ઈંચ, પાટણના સરસ્વતી, કચ્છના અંજાર અને મહેસાણાના જોટાણામાં 8 ઈંચ, સુરેન્દ્રનગરના મૂળી, મોરબીના વાંકાનેર, મહેસાણા, કચ્છના ભચાઉ અને સુરેન્દ્રનગરના થાનગઢમાં 7-7 ઈંચ વરસાદ નોઁધાયો હતો. પાટણના રાધનપુર, હારીજ, સિધ્ધપુર અને પાટણ, સુરેન્દ્રનગરના લખતર અને વઢવાણ, મોરબીના હળવદ, ગીર સોમનાથના ગીર ગઢડા, જૂનાગઢના વિસાવદર અને સાબરકાંઠાના વિજયનગરમાં 6-6 ઈંચ વરસાદ નોઁધાયો હતો.

સૌરાષ્ટ્રમાં ભારે વરસાદથી નદીનાળા છલકાયા

ગઈકાલે રાજ્યમાં નોઁધાયેલા 6 ઈંચથી વધુ વરસાદના આંકડા