શાળા ફી માફ કરવા અંગે હાઇકોર્ટનો મહત્વનો નિર્ણય- વાલીઓને મળશે રાહતના સમાચાર

0
175

રાજસ્થાન હાઇકોર્ટે મોટો નિર્ણય આપ્યો છે. હાઇ કોર્ટે કહ્યું છે, કે શાળાઓ કુલ ફીના કુલ 70% લઈ શકે છે. બાળકોના માતાપિતાએ તેને આવતા વર્ષે 31 જાન્યુઆરી સુધીમાં કુલ 3 હપ્તામાં ચૂકવવું પડશે. રાજસ્થાન હાઈકોર્ટના જસ્ટિસ SP શર્મા દ્વારા આ નિર્ણય આપવામાં આવ્યો છે.

રાજસ્થાન સરકારના નિર્ણયને પડકારતી ખાનગી શાળાઓની અપીલ ઉપર હાઇકોર્ટનો આ આદેશ આવ્યો છે. આ આદેશ કુલ 3 અરજીઓ પર આપવામાં આવ્યો હતો, જેના દ્વારા લગભગ કુલ 200 શાળાઓએ રાજસ્થાન સરકારના નિર્ણયને પડકાર્યો હતો. રાજસ્થાન સરકારે માતા-પિતાને કોરોના દરમિયાન શાળાઓ પાસેથી ફી ન લેવા જણાવ્યું હતું.

આ કુલ 3 અરજીઓ દ્વારા ખાનગી શાળાઓએ 9 એપ્રિલ અને 7 જુલાઇના રોજ ફી સ્થગિત કરવાના રાજ્ય સરકારના આદેશને પડકાર્યો હતો. રાજ્ય સરકારના આ આદેશોને કારણે ખાનગી શાળાઓ ફી વસૂલવામાં અસમર્થ હતી.

હકીકતમાં, કોરોના સંકટને કારણે રાજસ્થાન સરકારે ખાનગી શાળાઓ શરૂ થવા સુધી ફી વસૂલાત પર પ્રતિબંધ મૂક્યો હતો. રાજસ્થાન સરકારે ખાનગી શાળાઓ દ્વારા લેવામાં આવતી ફી શાળાઓ ફરીથી ખોલતા સુધી મુલતવી રાખવાનો નિર્ણય લીધો હતો.

રોના વાયરસ રોગચાળાને ધ્યાનમાં રાખીને રાજ્ય સરકારે 9 એપ્રિલના રોજ રાજ્યની ખાનગી શાળાઓ દ્વારા 30 જૂન સુધી કુલ 3 મહિના માટે એડવાન્સ ફી પર પ્રતિબંધ મૂક્યો હતો. 9 જુલાઇએ શાળા ફરી શરૂ થાય ત્યાં સુધી સરકારે આ સમયગાળો વધાર્યો. શિક્ષણ પ્રધાન ગોવિંદસિંહ દોટાસરાએ ખાનગી શાળાઓને કોરોના યુગમાં 30 જૂન સુધી કુલ 3 મહિનાની શાળા ફી મુલતવી રાખવા આદેશ આપ્યો હતો. આ ઓર્ડર પછીથી શાળા ખોલતા સુધી વધારવામાં આવ્યો.

LEAVE A REPLY

Please enter your comment!
Please enter your name here