આર્મીને મળશે વધુ 72 હજાર સિગ સોર અસોલ્ટ રાઈફલ

0
86

નવી ડિફેન્સ એક્વિઝિશન પોલિસી અંતર્ગત સેના ઘણા પ્રકારના સંરક્ષણ ઉપકરણો લીઝ પર પણ લઈ શકશે

ઈસ્ટર્ન લદાખમાં લાઈન ઓફ ક્ધટ્રોલ પર ભારત-ચીન તણાવ વચ્ચે સંરક્ષણ મંત્રાલયે ઈન્ડિયન આર્મી માટે વધુ 72 હજાર અમેરિકન સિગ સોર અસોલ્ટ રાઈફલની ખરીદીને મંજૂરી આપી દીધી છે. સંરક્ષણ અધિગ્રહણ કાઉન્સિલ (ડીએસી)ની મીટિંગમાં સિગ સોર માટે 780 કરોડ રૂપિયાની મંજૂરી આપવામાં આવી. બીજી તરફ સંરક્ષણ મંત્રાલયે નવી ડિફેન્સ એક્વિઝિશન પોલિસીને મંજૂરી આપી છે. નવી પોલિસી અંતર્ગત આર્મી ઘણા સંરક્ષણ ઉપકરણો લીઝ પર પણ લઈ શકે છે, તેનાથી તેને ખરીદવામાં લાગતો સમય બચશે, સાથે જ કિંમત પણ ઓછી થશે.


આર્મીને અમેરિકાની આ અસોલ્ટ રાઈફલની પહેલી બેચ એટલે કે 72 હજાર રાઈફલ પહેલા જ મળી ચૂકી છે અને હવે વધુ 72 હજાર રાઈફલ મળશે. આ આધુનિક અસોલ્ટ રાઈફલ છે અને તેને પહેલા કાઉન્ટર ટેરરિઝમ ઓપરેશનવાળા વિસ્તારોમાં ઉપયોગ કરવા માટે લવાઈ હતી. હાલ એલએસી પર તૈનાત સૈનિકો પાસે પણ આ અસોલ્ટ રાઈફલ છે. ભારતે ફાસ્ટ ટ્રેક પ્રોક્યોરમેન્ટ (એફટીપી) અંતર્ગત આ અસોલ્ટ રાઈફલ લીધી છે. આ અસોલ્ટ રાઈફલ હાલની ઈન્સાસ રાઈફલને રિપ્લેસ કરશે. ઈન્સાસને ઓર્ડિનન્સ ફેક્ટરી બોર્ડે બનાવી હતી. સિંગ સોર આધુનિક અસોલ્ટ રાઈફલ છે. તેનું 16 ઈંચનું બેરલ છે અને કેલિબર 7.22 એમએમ છે. જ્યારે કે, ઈન્સાનું કેલિબર 5.56 એમએમ છે. જેટલું વધુ કેલિબર એટલું વધારે ઘાતક. ઈન્સાસ રાઈફલ ઓટોમેટેડ નથી, જ્યારે સિગ સોર ઓટોમેટેડ છે. સિગ સોરનું નિશાન પણ વધુ સટીક છે. ઈન્સાસને રિપ્લેસ કરવા માટે સિગ સોર ઉપરાંત એકે-203 રાઈફલ પણ આર્મીને મળશે. તેને રશિયા સાથે મળીને અમેઠીની ઓર્ડિનન્સ ફેક્ટરીમાં બનાવાશે.


ડીસીએ મીટિંગમાં કુલ 2290 કરોડ રૂપિયાની ખરીદીને મંજૂરી આપવામાં આવી. હાઈ ફ્રિક્વન્સી રેડિયો સેટ અને સ્માર્ટ એન્ટી એર ફીલ્ડ વેપરની ખરીદીને પણ મંજૂરી મળી. હાઈ ફ્રિક્વન્સી રેડિયો સેટ આર્મીના ફીલ્ડ યુનિટ અને એરફોર્સને કોમ્યુનિકેશનમાં મદદરૂપ સાબિત થશે અને તેના માટે 540 કરોડ રૂપિયા મંજૂર કરાયા. સ્માર્ટ એન્ટી એરફીલ્ડ વેપર નેવી અને એરફોર્સની ફાયર પાવરને વધારશે, જેના માટે 970 કરોડ રૂપિયા પાસ કરવામાં આવ્યા છે.


સંરક્ષણ મંત્રાલયે નવી ડિફેન્સ એક્વિઝિશન પોલિસીને પણ મંજૂરી આપી છે. તેમાં ગવર્નમેન્ટ ટુ ગવર્નમેન્ટ ડીલમાં ઓફસેટ કી હટાવી દેવાઈ છે. ઓફસેટ મુજબ, જો ડીલ ગવર્નમેન્ટ ટુ ગવર્મેન્ટ છે કે સિંગલ વેન્ડર છે તો વિદેશી કંપ્નીને કોન્ટ્રાક્ટના કુલ અમાઉન્ટના ઓછામાં ઓછા 30 ટકા ઈન્ડિયન મેન્યુફેક્ચરિંગ સેક્ટરમાં ઈન્વેસ્ટ કરવા પડતા હતા. હાલમાં જ સંસદમાં રજૂ થયેલા સીએજી રિપોર્ટમાં પણ ઓફસેટ જવાબદારી પુરી ન કરવાને લઈને ફાઈટર એરક્રાફ્ટ રફાલ બનાવતી કંપ્ની સામે સવાલ ઉઠાવાયા હતા. નવી એક્વિઝિશન પોલિસીમાં એમ પણ કહેવાયું છે કે, આર્મ્ડ ફોર્સિસ ઘણા ઈક્વિપમેન્ટ લીઝ પર પણ લઈ શકે છે, તેનાથી તેની ખરીદીમાં લાગતો સમય બચવાની સાથે જ કિંમત પણ ઓછી થશે. આર્મડ ફોર્સિસ ટ્રાન્સપોર્ટ એરક્રાફ્ટ જેવા ઈક્વિપમેન્ટ લીઝ પર લઈ શકે છે.

LEAVE A REPLY

Please enter your comment!
Please enter your name here