દેશની પ્રહાર ક્ષમતામાં જોરદાર વધારો: મિસાઇલ, સબમરીન સામેલ

0
72
  • પોખરણમાં ખતરનાક ‘નાગ’ એન્ટી ટેન્ક ગાઈડેડ મિસાઈલનું સફળ પરીક્ષણ


ભારતે આજે સવારે સુરક્ષા દ્રષ્ટિએ અત્યંત મહત્વપૂર્ણ સફળતા મેળવી છે. રાજસ્થાનના પોખરણ માં નાગ એન્ટી ટેન્ક ગાઈડેડ મિસાઈલ નું સફળ પરીક્ષણ કરવામાં આવ્યું. આ મિસાઈલનો ટેસ્ટ વોરહેડ પર કરવામાં આવ્યો છે. તો બીજી તરફ આજે ભારતીય નેવીમાં આઇએનએસ કવરત્તીને સામેલ કરવામાં આવ્યુ છે.


રક્ષા અનુસંધાન અને વિકાસ સંગઠન દ્વારા નિર્મિત આ દેશી મિસાઈલની અંતિમ ટ્રાયલ પોખરણમાં સવારે 6.45 વાગે કરવામાં આવ્યું. નોંધનીય છે કે નાગ મિસાઈલ સંપૂર્ણ રીતે દેશી છે અને આ પ્રકારની મિસાઈલોમાં ભારત દ્વારા નિર્મિત થર્ડ જનરેશનની છે. ડીઆરડીઓ તરફથી સતત તેના અલગ અલગ પ્રકારના ટ્રાયલ થાય છે.


આ અગાઉ પણ નાગ મિસાઈલના અન્ય અનેક ટ્રાયલ થયા છે. વર્ષ 2017, 2018 અને 2019માં અલગ અલગ રીતે નાગ મિસાઈલોનું પરીક્ષણ થયું છે. જેમાં અચૂક નિશાન સાધવાની ક્ષમતા છે અને દુશ્મનના ટેન્કને ક્ષણભરમાં નષ્ટ કરી શકે છે. તે વજનમાં પણ ખુબ હળવી હોય છે.


અત્રે જણાવવાનું કે એન્ટી ટેન્ક મિસાઈલ દુશ્મનની ટેન્ક સહિત અન્ય વાહનોને ચપટી વગાડતા જ સમાપ્ત કરી શકે છે. તે મીડિયમ અને નાની રેન્જની મિસાઈલ હોય છે. જે ફાઈટર જેટ, વોર શિપ, સહિત અન્ય અનેક સંસાધનો સાથે કામ કરી શકે છે. ભારતે છેલ્લા લગભગ એક મહિનામાં અલગ અલગ પ્રકારની અડધો ડઝનથી વધુ સ્વદેશી મિસાઈલનું સફળ પરીક્ષણ કર્યું છે.


પૂર્વ લદાખમાં ચીનની સાથે ચાલી રહેલા સરહદ વિવાદ બાદ ભારત પોતાને ચારેય તરફથી મજબૂત કરવામાં લાગી ગયું છે. આ કડીમાં ભારતીય સેના પ્રમુખ જનરલ મનોજ મુકુંદ નરવણે સબમરીન રોધી પ્રણાલીથી સજ્જ સ્વદેશી આઇએનએસ કવરત્તી ને આજે નૌસેનાના બેડામાં સામેલ કરશે.


મેડ ઇન ઈન્ડિયા આઇએનએસ કવરત્તી યુદ્ધ જહાજને ભારતીય નૌસેનાના સંગઠન ડાયરેક્ટર ઓફ નેવલ ડીઝાઇન એ ડીઝાઇન કરી છે. તેનું નિમર્ણિ કોલકાતાના ગાર્ડન રીચ શિપબિલ્ડર્સ એન્ડ એન્જિનિયર્સે કર્યું છે. આત્મનિર્ભર ભારત ની દિશામાં આ એક અગત્યનું પગલું છે. આ યુદ્ધ જહાજ નૌસેનામાં સામેલ થવાથી તેની તાકાતમાં અનેકગણો વધારો થશે.


આઇએનએસ કવરત્તીના નૌસેનામાં સામેલ થવા પર અધિકારીઓનું કહેવું છે કે આ અત્યાધુનિક હથિયાર પ્રણાલી છે અને તેમાં એવા સેન્સર લાગેલા છે જે સબમરીનની ભાળ મેળવશે અને તેનો પીછો કરવામાં સક્ષમ છે. આ પ્રોજેક્ટ-28 હેઠળ સ્વદેશમાં નિર્મિત ચાર સબમરીન રોધી જંગી સ્ટીલ્થ જહાજ પૈકીનું અંતિમ જહાજ છે. નોંધનીય છે કે આ પહેલા ત્રણ યુદ્ધ જહાજ ભારતીય નૌસેનાને સોંપવામાં આવી ચૂક્યા છે.


સબમરીન રોધી ક્ષમતા ઉપરાંત, જહાજને એક વિશ્વસનીય સેલ્ફ ડિફેન્સ ક્ષમતાથી પણ સજ્જ કરવામાં આવી છે અને તે લાંબા અંતરના અભિયાનો માટે સારી મજબૂતી પણ ધરાવે છે. આ યુદ્ધ જહાજમાં 90 ટકા ઉપકરણો ભારતીય છે. તેના સુપરસ્ટ્રક્ચર માટે કાર્બન કમ્પોઝિટનો ઉપયોગ કરવામાં આવ્યો છે, જે ભારતીય જહાજના નિમર્ણિના ઈતિહાસમાં મોટી સફળતા માનવામાં આવી રહી છે. આઇએનએસ કવરત્તીની લંબાઈ 109 મીટર અને પહોળાઈ 12.8 મીટર છે. તે અત્યાધુનિક હથિયારો, રોકેટ લોન્ચર્સ, એકીકૃત હેલીકોપ્ટર્સ અને સેન્સરથી સજ્જ છે.

LEAVE A REPLY

Please enter your comment!
Please enter your name here