નજમ સેઠી આ વખતે પાકિસ્તાન ક્રિકેટ બોર્ડ (PCB)ના પ્રમુખ પદ માટે ચૂંટણી નહીં લડે. તેમણે મંગળવારે સોશિયલ મીડિયા પર પોસ્ટ કર્યું કે તે પાકિસ્તાન પીપલ્સ પાર્ટીના અધ્યક્ષ આસિફ અલી ઝરદારી અને વડાપ્રધાન શહેબાઝ શરીફ વચ્ચેના વિવાદનું કારણ બનવા માંગતા નથી.
સેઠીને ગયા વર્ષે રમીઝ રાજાના સ્થાને PCB અધ્યક્ષ તરીકે નિયુક્ત કરવામાં આવ્યા હતા. તેમનો કાર્યકાળ 21 જૂને પૂરો થઈ રહ્યો છે.
સોશિયલ મીડિયા પર એક પોસ્ટમાં તેમની ઉમેદવારી પાછી લેતા, સેઠીએ લખ્યું – બધાને સલામ! હું આસિફ ઝરદારી અને શહેબાઝ શરીફ વચ્ચે વિવાદનું કારણ બનવા માંગતો નથી. આ પ્રકારની અસ્થિરતા અને અનિશ્ચિતતા PCB માટે સારી નથી. આ સંજોગોમાં હું PCB પ્રમુખ પદનો ઉમેદવાર નથી. તમામ હિતધારકોને શુભકામનાઓ.
ઝકા અશરફ PCBના નવા અધ્યક્ષ બની શકે છે
નજમ સેઠીએ આ પદ માટેની ઉમેદવારી પાછી ખેંચી લીધા બાદ ઝકા અશરફ પીસીબીના નવા અધ્યક્ષ બની શકે છે. શાહબાઝ શરીફ સરકારમાં મંત્રી રહી ચૂકેલા એહસાન ઉર રહેમાન મઝારીના જણાવ્યા અનુસાર, ઝકા અશરફ પીસીબીના અધ્યક્ષનું પદ સંભાળી શકે છે.
