હોટલ અને ઈન્ડસ્ટ્રીઝ સહિત 57 સ્થળો પર મચ્છરની ઉત્પતિ જોવા મળતા તમામને નોટિસ ફટકારી, 24 હજારથી વધુનો દંડ ફટકાર્યો

0
92
  • રાજકોટ મનપા દ્વારા શહેરના અલગ અલગ 271 પ્રિમાઈસીસમાં ચેકિંગ કરવામાં આવ્યું હતું

રાજકોટ મ્યુનિસિપલ કોર્પોરેશન દ્વારા મચ્છરજન્ય રોગચાળો અટકાવવા શહેરના અલગ અલગ વિસ્તારોમાં ચેકિંગ હાથ ધરવામાં આવ્યું હતું. જે દરમિયાન બાંધકામ સાઈટ, ઈન્ડસ્ટ્રીઝ સહિત 291 પ્રિમાઈસીસમાં ચેકિંગ કરવામાં આવ્યું હતું. જેમાં 57 સ્થળ પર મચ્છરના પોરા મળી આવતા તમામને 24 હજાર 950 રૂપિયાનો દંડ અને નોટિસ ફટકાવામાં આવી છે. બાંધકામ સાઇટ પર લિફ્ટના ખાડા, સેલરમાં વરસાદી પાણી એકત્ર થયેલું જોવા મળ્યું હતું. આ પાણીમાં ડેન્ગ્યુ ફેલાવતા એડિસ મચ્છરના પોરા જોવા મળ્યા હતા.

રોગચાળો અટકાવવા માટે ચેકિંગ હાથ ધરવામાં આવ્યું હતું
મેલેરિયા, ડેન્ગ્યુ અને ચિકુનગુનિયા જેવા રોગો ફેલાવતા મચ્‍છર માનવસર્જિત બંધિયાર અને ચોખ્ખા પાણીમાં ઉત્પન્ન થાય છે. ડેન્ગ્યુ ફેલાવતા એડીસ ઇજીપ્તી તદ્દન ઓછા પ્રમાણમાં પાણીનો જથ્થો ધરાવતા કોઇપણ પ્રકારના પાણી ભરેલાપાત્રોમાં ઉત્પન્ન થાય છે. એડીસ ઇજીપ્તી મચ્છરના ઇંડા પાણી વિના એક વર્ષ કરતા વધારે સમય જીવે છે. ડેન્‍ગ્‍યુ ફેલાવતા એડિસ ઇજીપ્‍તી મચ્‍છર દિવસે કરડતા હોવાથી દિવસ દરમિયાન બહોળા પ્રમાણમાં જનસમુદાય એકત્રિત હોય તેવા સ્થળોએ ડેન્ગ્યુ રોગ ફેલાવવાની સંભાવના વધુ રહે છે. મચ્છરજન્ય રોગચાળા અટકાયતી માટે 271 પ્રિમાઈસીસમાં ચેકિંગ હાથ ધરવામાં આવ્યું હતું.

મચ્છરજન્ય રોગોથી બચવા સાફસફાઈ રાખવી
મચ્છરોના પોરા માનવસર્જીત પાત્રો જેવા કે સિમેન્‍ટના ટાંકા, બેરલ, કેરબા, માટલા, ટાયર, ફ્રિજની પાછળની ટ્રે, ફુલદાની, કુલર, ફુલછોડના કુંડા, ભંગાર, અગાશી, છજામાં જમા રહેતા પાણીમાં આ મચ્‍છર ઇંડા મૂકે છે. જેમાંથી 7-12 દિવસમાં પુખ્‍ત મચ્‍છર બને છે. જેના કારણે ડેન્ગ્યુ જેવા મચ્છરોનો ઉપદ્રવ થાય છે. જેને અટકાવવા માટે બિનજરૂરી ડબ્બાડુબલી, ટાયર, ભંગારનો યોગ્ય સ્થળે નિકાલ કરવો, પશુઓને પાણી પીવાની કુંડી, અવેડા દર અઠવાડિયે નિયમિત ખાલી કરી ઘસીને સાફ કરવા, ફ્રિજની ટ્રે, માટલા, કુલર, ફુલદાની, પક્ષીકુંજ વગેરેનું પાણી નિયમિત ખાલી કરવું, પાણીની સિમેન્ટની ટાંકી, બેરલ, કેરબા તથા અન્ય પાણી ભરેલા તમામ પાત્રો ઢાંકીને રાખવા, અગાશી, છજામાં જમા રહેતા પાણીનો નિકાલ કરવો, છોડના કુંડામાં જમા રહેતા વધારાનો પાણોનો નિકાલ કરવો, ડેન્‍ગ્‍યુના મચ્‍છર દિવસે કરડતા હોવાથી દિવસ દરમિયાન શરીર ઢંકાય તેવા ક૫ડાં ૫હેરવા જોઈએ. જેથી ડેન્ગ્યુ જેવા રોગોથી બચી શકાય.

LEAVE A REPLY

Please enter your comment!
Please enter your name here