News Updates
BUSINESS

એરટેલે લોન્ચ કર્યો ₹1,499 વાળો પ્લાન:અનલિમિટેડ વોઇસ કોલિંગની સાથે 3GB ડેઇલી ડેટા, નેટફ્લિક્સનું સબ્સ્ક્રિપ્શન બિલકુલ ફ્રી

Spread the love

એરટેલે તેના ગ્રાહકો માટે 1,499 રૂપિયાનો નવો પ્રીપેડ પ્લાન લોન્ચ કર્યો છે. આ પ્લાનમાં અનલિમિટેડ વૉઇસ કૉલિંગ સાથે તમને દરરોજ 100 SMS અને અમર્યાદિત 5G ડેટા મળશે. આ સિવાય નેટફ્લિક્સ સબ્સ્ક્રિપ્શન’​​​​​​ ફ્રીમાં મળશે.

આ પ્લાન એરટેલની વેબસાઇટ પર લિસ્ટ કરવામાં આવ્યો છે અને તે દેશભરના તમામ ગ્રાહકો માટે રિચાર્જ માટે ઉપલબ્ધ છે. પ્લાનને એરટેલ વેબસાઇટ, એરટેલ થેંક્સ એપ અને અન્ય રિચાર્જ પ્લેટફોર્મ દ્વારા એક્ટિવેટ કરી શકાય છે.

કંપનીએ Jioના Netflix સબ્સ્ક્રિપ્શન પ્લાનને પડકારવા માટે આ પ્લાન લોન્ચ કર્યો છે. અહીં અમે તમને એરટેલના પ્લાનમાં મળતા ફાયદાઓ વિશે જણાવી રહ્યા છીએ.

1,499 રૂપિયાના પ્લાનના ફાયદા
એરટેલનો રૂ. 1,499 નેટફ્લિક્સ (બેઝિક) પ્લાન 84 દિવસની માન્યતા સાથે આવે છે. Netflixના બેઝિક પ્લાનમાં એક સમયે માત્ર એક ડિવાઇસ પર લોગ ઇન કરી શકાય છે અને કન્ટેન્ટને 720p પર જોઈ શકાય છે. Netflix એકાઉન્ટ કોમ્પ્યુટર, ટીવી, ટેબ્લેટ અથવા સ્માર્ટફોન પર એક્સેસ કરી શકાય છે.

આ સિવાય તેમાં અનલિમિટેડ વૉઇસ કૉલિંગ અને 252GB ડેટા (રોજ 3GB ડેટા) અને અમર્યાદિત 5G ડેટા મળશે. હાઈ સ્પીડનો ડેઈલી ડેટા ખતમ થઈ ગયા પછી સ્પીડ ઘટીને 64Kbps થઈ જાય છે. આ સિવાય દરરોજ 100 SMS પણ આપવામાં આવશે.

પ્લાન સાથે તમને એરટેલ થેંક્સ બેનિફિટ્સ પણ આપવામાં આવશે. જેમાં યુઝર્સને ફ્રી Apollo 24|7 Circle, Hello Tune, Wynk Music અને Fastag પર 100 રૂપિયાનું કેશબેક આપવામાં આવે છે.

પ્લાનના ફાયદા
જો તમે Netflix (બેઝિક) પ્લાન અલગથી લો છો તો તેની કિંમત 199 રૂપિયા પ્રતિ મહિને છે. એરટેલનો પ્લાન 84 દિવસની એટલે કે લગભગ ત્રણ મહિનાની વેલિડિટી સાથે આવે છે. ત્રણ મહિના માટે Netflix સબ્સ્ક્રિપ્શનની કુલ કિંમત લગભગ 597 રૂપિયા હશે જ્યારે એરટેલ પ્લાનની કિંમત 1,499 રૂપિયા છે. એટલે કે OTT વગર તેની કિંમત 900 રૂપિયાની આસપાસ છે અને આ કિંમતમાં યુઝર્સને ડેટા, કોલિંગ અને SMS વગેરેનો ફાયદો મળી રહ્યો છે.

Jio ના Netflix સબ્સ્ક્રિપ્શન પ્લાન
Jioએ તાજેતરમાં જ તેના ગ્રાહકો માટે Netflix સબ્સ્ક્રિપ્શન સાથે પ્રીપેડ પ્લાન રજૂ કર્યા છે. આ પ્લાનની કિંમત 1099 રૂપિયા અને 1499 રૂપિયા છે. રૂ. 1099નો પ્લાન 2GB પ્રતિ દિવસ ડેટા અને Netflix મોબાઇલ પ્લાન સાથે આવે છે, જ્યારે રૂ. 1499નો પ્લાન 3GB પ્રતિ દિવસ ડેટા અને Netflix બેઝિક સબ્સ્ક્રિપ્શન સાથે આવે છે. બંને પ્લાનની વેલિડિટી 84 દિવસની છે.

5G યુઝર્સની સંખ્યામાં વધારો
એરટેલે ગત મહિને કહ્યું હતું કે તેમની પાસે 5જી સર્વિસ માટે 5 કરોડથી વધુ યુઝર્સ છે. જો કે, કંપનીએ 77 લાખ નવા 4G/5G ગ્રાહકોનો વધારો કર્યો છે. જો આપણે 5G યુઝર્સની સંખ્યા વિશે વાત કરીએ તો રિલાયન્સ જિયો સૌથી આગળ છે. Jio પાસે 7 કરોડથી વધુ 5G યુઝર્સ છે.


Spread the love

Related posts

ભારતની પહેલી સ્વદેશી ચીપ બનશે ગુજરાતમાં, ટાટાએ પહેલા પણ સ્વદેશી હોટલ, એરલાઈન્સ અને કારની આપી છે ભેટ

Team News Updates

કિવીની ખેતીમાં બમ્પર કમાણી, એક હેક્ટરમાં આ રીતે ખેતી કરવાથી લાખોની કમાણી થશે

Team News Updates

સોના- ચાંદીના ભાવમાં સતત ઘટાડો:આ મહિનામાં અત્યાર સુધીમાં સોનું ₹1400થી વધુ સસ્તું થયું, 18 કેરેટ સોનાની કિંમત ઘટીને 44 હજાર થઈ

Team News Updates