વિદ્યુત જામવાલ હાલમાં તેની આગામી ફિલ્મ ‘આઈબી-71’નું પ્રમોશન કરી રહ્યો છે, તાજેતરમાં જ અભિનેતા આ ફિલ્મપ્રમોશનના સંબંધમાં અમૃતસર પહોંચ્યો હતો, જ્યાં તે ગોલ્ડન ટેમ્પલમાં વાસણો સાફ કરતો જોવા મળ્યો હતો. આ દરમિયાન અભિનેતા દ્વારા તેના સોશિયલ મીડિયા એકાઉન્ટ પર એક વીડિયો શેર કરવામાં આવ્યો છે
વાઘા બોર્ડર પહોંચ્યા બાદ ચાહકોને મળ્યો
આ વીડિયોમાં વિદ્યુત ઓલ વ્હાઇટ લુકમાં ડીશ ધોતો જોવા મળી રહ્યો છે. ગોલ્ડન ટેમ્પલે પહોંચી આશીર્વાદ લીધા અને સેવા પણ કરી. આ સિવાય અભિનેતા તેની ટીમ સાથે વાઘા બોર્ડર પહોંચી ગયો હતો. આ દરમિયાન તેઓ દેશના જવાનોને પણ મળ્યો હતો. વિડિયો શેર કરતી વખતે વિદ્યુતે કેપ્શનમાં લખ્યું, ‘જય હિંદ! #IB71 12મી મેના રોજ સિનેમાઘરોમાં રિલીઝ થઈ રહી છે.’
ચાહકો વખાણ કરી રહ્યા છે
વિદ્યુતના આ સ્વભાવને જોઈને ફેન્સ ખૂબ ખુશ થઈ ગયા છે. વીડિયો પર કોમેન્ટ કરતાં એક યુઝરે લખ્યું, ‘ગોલ્ડન ટેમ્પલમાં ગોલ્ડન હાર્ટ ધરાવતો માણસ’. જ્યારે બીજાએ લખ્યું, ‘મેન નહી સુપરમેન હૈ’ તો ત્રીજાએ લખ્યું, ‘સોનેરી હૃદય અને આત્મા ધરાવતો માણસ @mevidyutjammwal લવ લવ લવ.’
ફિલ્મ ક્યારે રિલીઝ થશે?
‘IB-71’માં વિદ્યુત ઈન્ટેલિજન્સ બ્યુરો (IB) ઓફિસરની ભૂમિકામાં જોવા મળશે. આ ફિલ્મમાં અનુપમ ખેર અને વિશાલ જેઠવા પણ છે. તે 1971ની ગંગાના અપહરણની વાર્તા પર આધારિત છે. આ ફિલ્મનું દિગ્દર્શન સંકલ્પ રેડ્ડી દ્વારા કરવામાં આવ્યું છે અને નિર્માતા તરીકે વિદ્યુતની શરૂઆત છે. આ ફિલ્મ 12 મેના રોજ સિનેમાઘરોમાં રિલીઝ થશે.
