મહાનગર પાલિકાની ચુંટણી પહેલા ભાજપને મોટો ફટકો પડ્યો છે. આજે ગુજરાત કોંગ્રેસના કાર્યકારી પ્રમુખ હાર્દિક પટેલ રાજકોટની મુલાકાતે છે ત્યારે તેમની હાજરીમાં ભાજપના કોર્પોરેટર અને એબીવીપીના કાર્યકરો કોંગ્રેસમાં જોડાયા છે.
વોર્ડ નંબર 5ના કોર્પોરેટર દક્ષાબેન ભેસણીયા અને અતુલ કામાણી ટેકેદારો સાથે કોંગ્રેસમાં જોડાયા છે. આ તકે મીડિયાને સંબોધતા કોંગ્રેસના નેતા અશોક ડાંગરે કહ્યું હતું કે સીએમના હોમ ટાઉનથી ભાજપને ફટકો પડવાની શરૂઆત થઈ છે. તેમણે ઉમેર્યું હતું કે આગામી દિવસોમાં અનેક નેતાઓ કોંગ્રેસમાં જોડાશે. તેમણે આ તકે ભાજપ પર આક્ષેપો પણ કર્યા હતા.
