અનેક અટકળો વચ્ચે આખરે હવે IPL 2020 નો કાર્યક્રમ જાહેર કરવામા આવશે. આ વાત ગુરૂવારે BCCI ના અધ્યક્ષ સૌરવ ગાંગૂલીએ જણાવી હતી. તેમણે જણાવ્યુ હતુ કે અમે સમજીએ છીએ કે કાર્યક્રમ જાહેર કરવામાં મોડુ થઈ ગયુ છે. તેનુ કામ હવે પૂરુ થવામાં જ છે અને શુક્રવાર સુધીમાં જાહેર કરી દેવામાં આવશે. ગાંગૂલીએ આ વાત એક ન્યૂઝ ચેનલ સાથે થયેલી વાતચીતમાં જણાવી હતી.
કહેવામાં આવી રહ્યુ છે કે IPL ની પહેલી મેચ ગયા વખતની ચેમ્પિયન મુંબઈ ઈન્ડિયન અને રનર અપ રહેલી ચૈન્નઈ સુપરકિંગ્સ વચ્ચે 19 સપ્ટેમ્બરે રમાશે. બુધવારે BCCI ના ટ્રેઝરર અરૂણ ધૂમલે કહ્યુ હતુ કે IPL ની મચો ટાઈમ ટેબલ પ્રમાણે જ થશે. લીગ 19 સપ્ટેમ્બરથી 10 નવેમ્બર વચ્ચે રમાશે. પહેલીવાર લીગની ફાઈનલ મેચ વીકેન્ડની જગ્યાએ વીક-ડે (મંગળવાર) પર રમાશે. તેમજ બપોરે અને સાંજે યોજાનારી મેચો અડધો કલાક વહેલી શરૂ થશે.
