News Updates
BUSINESS

એપલની ‘વન્ડરલસ્ટ’ ઇવેન્ટ આજે:કંપની iPhone 15 સિરીઝની સાથે ‘વોચ સિરીઝ 9’ અને ‘અલ્ટ્રા 2 વોચ’ પણ લોન્ચ કરી શકે છે

Spread the love

ટેક કંપની એપલની વર્ષની સૌથી મોટી લોન્ચ ઈવેન્ટ આજે એટલે કે 12 સપ્ટેમ્બરે યોજાશે. આ વર્ષે કંપનીએ તેની ઈવેન્ટનું નામ ‘વન્ડરલસ્ટ’ રાખ્યું છે, જે કેલિફોર્નિયામાં એપલના હેડક્વાર્ટરના ‘સ્ટીવ જોબ્સ થિયેટર’ ખાતે યોજાશે. ભારતીય સમય અનુસાર આ ઈવેન્ટ રાત્રે 10:30 વાગ્યે શરૂ થશે.

આ ઈવેન્ટને કંપનીની વેબસાઈટ apple.com અથવા Apple TV એપ પર ઓનલાઈન જોઈ શકાશે. એપલ આ ઇવેન્ટમાં iPhone 15 સિરીઝની સાથે Apple Watch Series 9 અને Apple Watch Ultra 2 પણ લૉન્ચ કરી શકે છે. જોકે, કંપનીએ આ ઇવેન્ટમાં કઈ પ્રોડક્ટ્સ લૉન્ચ કરવામાં આવશે તે અંગે કોઈ સત્તાવાર માહિતી આપી નથી.

કંપની iOS 17 રોલઆઉટ કરી શકે છે
કંપની એપલ ‘વન્ડરલસ્ટ’ ઇવેન્ટમાં iOS 17 ઓપરેટિંગ સિસ્ટમના રોલઆઉટની તારીખ પણ જાહેર કરી શકે છે. આઇઓએસ 17ના ફીચર્સનું અનાવરણ કંપની દ્વારા ત્રણ મહિના પહેલા WWDC23 ઇવેન્ટમાં કરવામાં આવ્યું હતું. લાઇવ વૉઇસ મેઇલ ટ્રાન્સ્ક્રિપ્શન, ફેસટાઇમ સંદેશાઓ રેકોર્ડ કરવાની ક્ષમતા, વ્યક્તિગત સંપર્ક પોસ્ટર જેવી સુવિધાઓ iOS 17માં ઉપલબ્ધ હશે.

ઉપકરણમાં iOS 17 અપડેટ મેળવ્યા પછી, જો કોઈ કૉલ પ્રાપ્ત ન કરી રહ્યું હોય તો યુઝર્સ રેકોર્ડ કરેલા ફેસટાઇમ મેસેજ મોકલી શકશે. આની સાથે હવે વોઈસ કમાન્ડ ફીચરનો ઉપયોગ માત્ર ‘સિરી’ કહીને કરી શકાશે, ‘હે સિરી’ નહીં. યુઝર્સ હવે ઓફલાઈન મેપનો પણ ઉપયોગ કરી શકશે. હાલમાં iOS 17 બીટા ટેસ્ટિંગ તબક્કામાં છે.

Foxconn ભારતમાં iPhone 15 બનાવી રહી છે
તાઇવાની ઇલેક્ટ્રોનિક્સ ઉત્પાદક ફોક્સકોન ભારતમાં તેના તમિલનાડુ પ્લાન્ટમાં iPhone 15નું ઉત્પાદન કરી રહી છે. ઉત્પાદનને ઝડપી બનાવવા માટે, ફોક્સકોને ચેન્નાઈ પ્લાન્ટમાં ઉત્પાદન લાઇન પણ વધારી છે. દર વર્ષે સપ્ટેમ્બરમાં એપલ નવી આઈફોન સિરીઝની સાથે અન્ય ઘણી પ્રોડક્ટ્સ લોન્ચ કરે છે.

ભારતમાં 2017 થી આઈફોન બનાવવામાં આવી રહ્યા છે
Appleએ ભારતમાં iPhone SE સાથે 2017માં iPhones બનાવવાની શરૂઆત કરી હતી. તેની પાસે ત્રણ ઇલેક્ટ્રોનિક્સ મેન્યુફેક્ચરિંગ સર્વિસ (EMS) ભાગીદારો છે – ફોક્સકોન, વિસ્ટ્રોન અને પેગાટ્રોન. iPhone SE પછી, iPhone 11, iPhone 12, iPhone 13 અને iPhone 14 પણ ભારતમાં બનાવવામાં આવ્યા હતા. ફોક્સકોનનો પ્લાન્ટ ચેન્નાઈ નજીક શ્રીપેરુમ્બુદુરમાં છે.

એપલએ ભારત સરકારની PLI યોજનાનો એક ભાગ છે
એપલના ત્રણેય કોન્ટ્રાક્ટ ઉત્પાદકો (ફોક્સકોન, વિસ્ટ્રોન અને પેગાટ્રોન) ભારત સરકારની રૂ. 41,000 કરોડની પ્રોડક્શન-લિંક્ડ ઇન્સેન્ટિવ સ્કીમ (PLI)નો ભાગ છે. આ સ્કીમ પછી જ ભારતમાં આઈફોનનું ઉત્પાદન વધ્યું છે. 2020 માં, ભારત સરકારે PLI યોજના શરૂ કરી.

આ યોજના દ્વારા, બહારના દેશોની કંપનીઓને સ્થાનિક ઉત્પાદનનો લાભ લેવાની તક મળે છે અને તેના પર પ્રોત્સાહન પણ મળે છે.


Spread the love

Related posts

ગૌતમ અદાણીને લાગી લોટરી ! 21,580 કરોડ આવશે ખાતામાં ! મોટા સ્તરે ચાલી રહી છે ચર્ચા

Team News Updates

BMWની સૌથી પાવરફુલ સ્પોર્ટ્સ બાઇક લોન્ચ:ડુકાટીની પેનિગેલ V4ને આપશે M 1000 RR ટક્કર, શરૂઆતની કિંમત 49 લાખ

Team News Updates

Hyundai Cretaનું N-Line એડિશન આજે લોન્ચ થશે:SUVમાં ADAS સહિત 70+ સેફટી ફીચર્સ, અપેક્ષિત કિંમત ₹17.50 લાખ

Team News Updates