કેનેડામાં ભારતીય મૂળના ત્રણ લોકોની ધરપકડ કરવામાં આવી છે. તેના પર 133 કરોડ રૂપિયાના ડ્રગ્સની દાણચોરીનો આરોપ છે. આ લોકો મેક્સિકોથી ડ્રગ્સ ખરીદીને કેનેડા અને અમેરિકા પહોંચાડતા હતા.
![](https://ekkhabar.online/wp-content/uploads/2024/02/WhatsApp-Image-2024-02-03-at-1.06.40-PM.jpeg)
કેનેડિયન પોલીસ અને અમેરિકાની તપાસ એજન્સી એફબીઆઈ ડ્રગ સ્મગલર્સને પકડવા માટે ‘ડેડ હેન્ડ ઓપરેશન’ ચલાવી રહી છે. આ અંતર્ગત 2 જાન્યુઆરીએ આયુષ શર્મા, ગુરઅમૃત સિદ્ધુ અને સુભમ કુમારની કેનેડામાં ધરપકડ કરવામાં આવી હતી. હવે તેઓને અમેરિકા મોકલવામાં આવશે. સંયુક્ત ઓપરેશન દરમિયાન 7 અન્ય લોકોની પણ ધરપકડ કરવામાં આવી છે.
ડ્રગ્સની દાણચોરીમાં ત્રણ દેશના લોકો સામેલ
આ કેસ વિશે માહિતી આપતાં અમેરિકન વકીલ માર્ટિન એસ્ટ્રાડાએ કહ્યું- ધરપકડ કરાયેલા તમામ લોકો ડ્રગ્સની હેરાફેરી રેકેટ સાથે સંકળાયેલા છે. તેઓ મેક્સિકન ડીલરો પાસેથી ડ્રગ્સ ખરીદતા હતા. લોસ એન્જલસ, યુએસએ સ્થિત વિતરકો અને દલાલો તેને કેનેડિયન ટ્રક ડ્રાઇવરો સુધી પહોંચાડતા હતા. આ રીતે કેનેડા અને અમેરિકામાં મેક્સિકન ડ્રગ્સનું વેચાણ થતું હતું.
![](https://ekkhabar.online/wp-content/uploads/2024/02/WhatsApp-Image-2024-02-03-at-1.07.02-PM.jpeg)
પકડાયેલા ભારતીય મૂળના બે લોકો ટ્રક ડ્રાઈવર
25 વર્ષનો આયુષ અને 29 વર્ષનો સુભમ કેનેડામાં ટ્રક ડ્રાઈવર હતા. તેઓ મેક્સિકોથી કેનેડા થઈને અમેરિકા આવતા ડ્રગ્સ વેચતા હતા. જ્યારે 60 વર્ષનો ગુરુમૃત મેક્સિકોથી ડ્રગ્સ ખરીદતો હતો. ડ્રગ્સનું સમગ્ર ટ્રાન્સપોર્ટેશન ગુરૂઅમૃતની દેખરેખ હેઠળ કરવામાં આવતું હતું. તે ‘કિંગ’ તરીકે જાણીતો હતો.
ત્રણેય પાસેથી રૂ.9 લાખ રોકડા મળી આવ્યા હતા
ધરપકડ દરમિયાન પોલીસે ભારતીય મૂળના ત્રણ લોકો પાસેથી 9 લાખ 40 હજાર રૂપિયા રોકડા જપ્ત કર્યા હતા. આ ઉપરાંત 70 કિલો કોકેઈન અને 4 કિલો હેરોઈનનો જથ્થો મળી આવ્યો હતો.