આ IPO પર રોકાણ કરતા રોકાણકારોને આજે મોટો ઝટકો લાગ્યો છે. છેલ્લી ક્ષણે કંપનીનું લિસ્ટિંગ અટકાવી દેવામાં આવ્યું હતું. જીએમપી પરથી એવું લાગતું હતું કે લિસ્ટિંગ પછી રોકાણકારોના પૈસા બમણા થઈ જશે. IPOનું કદ રૂ. 44.87 કરોડ હતું. કંપનીનો ઇશ્યૂ ઇક્વિટી પર આધારિત હતો. આ IPO 345.65 વખત સબસ્ક્રાઇબ થયો હતો.
શેરબજારમાં Trafiksol ITS Technologiesનું લિસ્ટિંગ મંગળવારે (17 સપ્ટેમ્બર 2024) છેલ્લી ક્ષણે અટકાવવામાં આવ્યું હતું. કંપનીનું લિસ્ટિંગ BSE SMEમાં સવારે 10 વાગ્યે થવાનું હતું. પરંતુ તે મુલતવી રાખવામાં આવ્યું હતું.
કંપની ગ્રે માર્કેટમાં સારું પ્રદર્શન કરી રહી હતી. જીએમપીને જોતા એવું લાગતું હતું કે આ SME IPO પહેલા જ દિવસે રોકાણકારોના પૈસા બમણા કરશે. ખાનગી પોર્ટલના અહેવાલ મુજબ, આઈપીઓ જાહેર કરનાર દ્વારા કેટલાક પ્રશ્નોના નિરાકરણ સુધી આ આઈપીઓનું લિસ્ટિંગ રોકાવામાં આવ્યું છે.
BSEએ એક નિવેદનમાં જણાવ્યું છે કે નોઈડા સ્થિત કંપની Trafiksol ITS Technologiesને સલાહ આપવામાં આવી છે કે જ્યાં સુધી કંપની ફરિયાદમાં ઉઠાવવામાં આવેલા મુદ્દાઓ પર સોશિયલ મીડિયા દ્વારા સંતોષકારક જવાબ નહીં આપે ત્યાં સુધી સમગ્ર ઈસ્યુના પૈસા એસ્ક્રો એકાઉન્ટમાં રાખવામાં આવશે. નોઇડા સ્થિત કંપની ઇન્ટેલિજન્ટ ટ્રાન્સપોર્ટ સિસ્ટમ્સ અને ઓટોમેશન માટે સોલ્યુશન્સ પ્રદાન કરે છે.
Trafiksol ITS Technologiesના IPOનું કદ રૂ. 44.87 કરોડ હતું. કંપનીનો ઇશ્યૂ ઇક્વિટી પર આધારિત હતો. આ IPO 345.65 વખત સબસ્ક્રાઇબ થયો હતો.
SME IPO ને BSE અને NSEથી સીધું ક્લિયરન્સ મળે છે. આમાં સેબીની કોઈ ભૂમિકા નથી. તાજેતરના સમયમાં SME કંપનીઓના IPO સ્કેનર હેઠળ છે.
ઘણી કંપનીઓએ લિસ્ટિંગના દિવસે રોકાણકારોના પૈસા બમણા કરી દીધા છે. જેના કારણે રોકાણકારોનો રસ ઘણો વધી ગયો છે. થોડા સમય પહેલા સેબી દ્વારા એસએમઈ માર્કેટને લઈને રોકાણકારો માટે એડવાઈઝરી જાહેર કરવામાં આવી હતી.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
