સ્ટેટ બેંક ઓફ ઈન્ડિયા (SBI)ની લોનના EMI ભરવામાં બેદરકારી દાખવતા ઉધાર લેનારાઓના ઘરે ચોકલેટ મોકલવાની સ્ટ્રેટેજી કામ કરી રહી છે.
મીડિયા રિપોર્ટ્સ અનુસાર, ‘ચોકલેટ-સ્ટ્રેટેજી’ પછી બેંકને લગભગ 2 કરોડ રૂપિયાની પર્સનલ અને બિઝનેસ લોનના EMI મળ્યા છે.
તાજેતરમાં SBI એ એવા ગ્રાહકોના ઘરે ચોકલેટ મોકલવાનું શરૂ કર્યું જેઓ EMI ચૂકવતા નથી. ત્યારે બેંકે કહ્યું હતું કે, ‘ઘણા ગ્રાહકો બેંક તરફથી તેમને ચુકવણીની યાદ અપાવતાં કોલનો જવાબ આપતા નથી. તેથી, તેમને જાણ કર્યા વિના તેમના ઘરે ચોકલેટ લઈ જવી એ એક સારો વિકલ્પ છે.
ફિનટેક કંપનીઓ સાથે મળીને કામ કર્યું
ગ્રાહકોને ચોકલેટ મોકલવાની યોજના પર, SBIના રિસ્ક, કમ્પ્લાયન્સ અને સ્ટ્રેસ એસેટના મેનેજિંગ ડિરેક્ટર અશ્વિની કુમાર તિવારીએ કહ્યું હતું કે આર્ટિફિશિયલ ઈન્ટેલિજન્સ (AI)નો ઉપયોગ કરતી બે ફિનટેક કંપનીઓ સાથે મળીને અમે લોન લેનારાઓને તેમની જવાબદારીઓ યાદ કરાવી રહ્યા છીએ.
જોકે, તેમણે બંને ફિનટેક કંપનીઓના નામ જાહેર કરવાનો ઇનકાર કર્યો હતો. તેમણે કહ્યું, ‘તે માત્ર 15 દિવસ પહેલાં જ લાગુ કરવામાં આવ્યું હતું. જો સફળ થશે તો અમે તેની ઔપચારિક જાહેરાત કરીશું.
બેન્કે જૂન ક્વાર્ટરમાં ₹16,884 કરોડનો ચોખ્ખો નફો કર્યો છે
SBIએ 4 ઓગસ્ટના રોજ Q1 FY24 પરિણામો જાહેર કર્યા હતા. જૂન ક્વાર્ટરમાં બેંકનો ચોખ્ખો નફો ₹16,884 કરોડ હતો, જે વાર્ષિક ધોરણે 178.24% વધ્યો હતો. બેંકે એક વર્ષ પહેલાં FY23 ના Q1 માં ₹6,068 કરોડનો નફો કર્યો હતો.
બેંકની રિટેલ લોન 12.04 લાખ કરોડ રૂપિયા છે
જૂન 2023 ના ત્રિમાસિક ગાળામાં બેંકની છૂટક લોન 16.46% વધીને 12.04 લાખ કરોડ રૂપિયા થઈ ગઈ છે. એક વર્ષ અગાઉના સમાન ત્રિમાસિકમાં આ રકમ રૂ. 10.34 લાખ કરોડ હતી. આ લોન પર્સનલ, ઓટો અને હોમ લોનના રૂપમાં લેવામાં આવે છે.
