સરકારે શાળાઓને લૂંટી: શરમ સંકોચ નેવે મૂકી 25 ટકા ફી માફીનો લાભ વાલીઓની સાથોસાથ સરકારે પણ લઇ લીધો

0
142
  • આરટીઈના પ્રવેશમાં શાળાઓને ચૂકવવાની થતી ફી મા 25 ટકાનો કાપ મૂકી દીધો


કોરોના,લોકડાઉન જેવી પરિસ્થિતિના કારણે ભાંગી ગયેલા સમાજના વિવિધ ક્ષેત્રને નવેસરથી ઉભા કરવા માટે સરકાર દ્વારા વિવિધ પ્રકારના પેકેજ આપવામાં આવે છે. પરંતુ કોઈ પેકેજનો લાભ ખુદ સરકાર મેળવતી હોય તેવું પ્રથમ વખત બની રહ્યું છે. ગુજરાતમાં શાળાઓની ફીના મામલે લાંબા કાનૂની યુદ્ધ પછી રાજ્ય સરકારે હાઇકોર્ટની સુચના મુજબ શાળાઓની ફી માં 25 ટકા ઘટાડો કરવાની સુચના આપી છે. સરકારની આ સૂચનાના કારણે વિદ્યાર્થીઓ અને વાલીઓને તો લાભ થશે જ પરંતુ સરકારે પણ શરમ સંકોચ નેવે મૂકીને પોતે કરેલા આદેશ મુજબ ફી મા 25 ટકા ઘટાડાનો લાભ પોતે પણ મેળવી લઈ દલા તરવાડીવાળી કરી છે.


રાઇટ ટુ એજ્યુકેશન (આરટીઆઇ) અંતર્ગત સ્વનિર્ભર શાળાઓ માં પ્રવેશ મેળવનાર સમાજના ગરીબ વર્ગના વિદ્યાર્થીઓની ફી સરકાર ભરતી હોય છે. ગુજરાત વિધાનસભામાં ફ્લોર પરથી જાહેર કરાયેલી આંકડાકીય માહિતી મુજબ સરકારી સ્કૂલોમાં પ્રત્યેક વિદ્યાર્થી દીઠ સરેરાશ 42 હજાર આસપાસનો ખર્ચ થાય છે. પરંતુ આરટીઇમાં એડમિશન મેળવનાર વિદ્યાર્થીઓના ખર્ચ પેટે સરકાર સ્વનિર્ભર શાળાઓને 10000 આપે છે. 25% ઘટાડાના લાભમાં પણ સરકારે શરમ સંકોચ નેવે મૂકીને હવે આરટીઇ માં એડમિશન મેળવનાર વિદ્યાર્થીઓ વતી સ્વનિર્ભર શાળાઓને ચૂકવવાની થતી રકમમાં 25 ટકા કાપ મૂકીને 10000 ના બદલે 7500 ચૂકવવાનો આદેશ નાણા વિભાગ દ્વારા કરવામાં આવ્યો છે.


ગુજરાત રાજ્ય સ્વનિર્ભર શાળા સંચાલક મંડળના પ્રમુખ ભરતભાઈ ગાજીપરા,ડીવી. મહેતા, જતીનભાઈ ભરાડ, રાજાભાઈ પાઠક અને રાજાભાઈ નાકરાણી સહિતનાઓએ સરકારના આ નિર્ણયનો વિરોધ કરતાં જણાવ્યું છે કે 42000 ના બદલે સરકાર 10000 ચૂકવે છે અને તેમાં 25 ટકાનો કાપ મૂકીને હવે સાત હજાર પાંચસો રૂપિયા ચૂકવવાનું નક્કી કરાયું છે.


શાળા સંચાલકોએ જણાવ્યું હતું કે વર્તમાન પરિસ્થિતિને ધ્યાનમાં રાખીને અમે વર્ષ 2019 -20 મુજબ ફી લેવાનું નક્કી કર્યું છે ગત વર્ષની ફીમાં કોઈ પણ પ્રકારનો વધારો ન કરવા અને ચાલુ વર્ષે 25 ટકાની રાહત આપવા માટે પણ અમે તૈયાર થયા છીએ. શિક્ષણ જગત માટે સરકારે કોઈ પ્રકારનું પેકેજ જાહેર કર્યું નથી પરંતુ વિદ્યાર્થીઓ અને વાલીઓ માટેના પેકેજમાં પણ લાભ લેવાની બાબતનો અમે વિરોધ કરીએ છીએ. સરકારે આરટીઇના વિદ્યાર્થીઓની પૂરેપૂરી ફી શાળાને ચૂકવવી જોઇએ.

LEAVE A REPLY

Please enter your comment!
Please enter your name here