- બપોર સુધીમાં ત્રણેય બેઠક પરનું પરિણામ જાહેર થઇ જશે
- મતગણતરી કેન્દ્રો પર કોરોનાને લઇને નિયમોનું પાલન કરવામાં આવી રહ્યું છે
સૌરાષ્ટ્રની 3 વિધાનસભા બેઠકોની પેટાચૂંટણીનું પરિણામ આજે બપોર સુધીમાં આવી જશે. સૌરાષ્ટ્રની ગઢડા, ધારી અને મોરબી બેઠક પર મતગણતરી હાથ ધરવામાં આવી છે. ત્યારે પ્રથમ રાઉન્ડમાં ત્રણેય બેઠક પર ભાજપ આગળ ચાલી રહ્યું છે. ગઢડામાં બેલેટ પેપરની મતગણતરીમાં ભાજપના ઉમેદવાર આત્મારામ પરમાર અને મોરબી માળીયા બેઠક પર કોંગ્રસના ઉમેદવાર જયંતી પટેલ આગળ ચાલી રહ્યાં છે. ધારી બેઠક પર પહેલા રાઉન્ડમાં ભાજપના જે.વી કાકડીયા 912 મતે આગળ ચાલી રહ્યાં છે. ધારી મહિલા કોલેજ ખાતે ચુસ્ત પોલીસ બંદોબસ્ત સાથે મતગણતરી હાથ ધરવામાં આવી છે. મતગણતરી કેન્દ્રો પર કોરોનાને લઈને તમામ નિયમોનું પાલન કરવામાં આવી રહ્યું છે. તમામ કેન્દ્ર પર પોલીસનો ચુસ્ત બંદોબસ્ત ગોઠવવામાં આવ્યો છે.
મોરબીમાં કોંગ્રસના ઉમેદવાર તો ધારી અને ગઢડામાં ભાજપના ઉમેદવાર આગળ
મોરબીમાં સાતમાં રાઉન્ડના અંતે કોંગ્રેસના ઉમેદવાર 3269 મતથી આગળ છે. ધારીમાં ચોથા રાઉન્ડના અંતે ભાજપના ઉમેદવાર 1 હજાર મતથી આગળ છે. જ્યારે ગઢડામાં પાંચમા રાઉન્ડના અંતં ભાજપના ઉમેદવાર 6200 મતથી આગળ ચાલી રહ્યા છે.
ચુસ્ત પોલીસ બંદોબસ્ત સાથે મતગણતરી ચાલી રહી છે
| બેઠક | ટકાવારી |
| ધારી | 45.79 |
| ગઢડા | 50.74 |
| મોરબી | 51.85 |
સૌરાષ્ટ્રની ત્રણ બેઠક પર કોણ બાજી મારશે?
મોરબી બેઠકમાં ભાજપના બ્રિજેશ મેરજા સામે કોંગ્રેસના જયંતિભાઇ પટેલ, ગઢડામાં ભાજપના આત્મારામ પરમાર સામે કોંગ્રેસના મોહનભાઇ સોલંકી અને ધારી બેઠકમાં ભાજપના જે.વી.કાકડિયા સામે કોંગ્રેસના સુરેશ કોટડિયા મેદાનમાં છે. ત્યારે આ ત્રણેય બેઠક પર કોણ બાજી મારશે તે આજે નક્કી જઈ જશે.
પોલીસના ચુસ્ત બંદોબસ્ત વચ્ચે મતગણતરી શરૂ
મતગણતરીની પ્રક્રિયા શાંતિપૂર્ણ વાતાવરણમાં માહોલમાં પૂર્ણ થાય તે માટે તમામ મત ગણતરી સેન્ટર પર ચૂસ્ત પોલીસ બંદોબસ્ત પણ ગોઠવવામાં આવ્યો છે. આ ઉપરાંત આ મતગણતરી કેન્દ્ર ખાતે ફરજ ઉપરના કર્મીઓ અને મતગણતરી એજન્ટોના પ્રવેશ માટે પણ વ્યવસ્થાઓ ગોઠવવામાં આવી છે.
મતગણતરીમાં થોડો વિલંબ થાય તેવી શક્યતાઃ અધિકારી
રાજ્યના મુખ્ય ચૂંટણી અધિકારી એસ.મુરલીક્રિષ્નાએ કહ્યું કે દર વખતે એક મથક પર 1500 મતદારોનું ધોરણ હોય છે. આ વખતે કોવિડ ગાઇડલાઇનને કારણે તે રેશીયો 1 હજાર મતદારનો કરવામાં આવ્યો છે. જેથી ઇવીએમની સંખ્યા પણ વધી છે અને તે પ્રમાણે ટેબલ અને રાઉન્ડ પણ વધુ ગોઠવવામાં આવ્યા છે. જેના કારણે મતગણતરીમાં થોડો વિલંબ થાય તેવી શક્યતા છે.
