વાઈટ હાઉસમાં ફરી ફેલાયો કોરોના, ડોનાલ્ડ ટ્રંપ જૂનિયર કોરોના સંક્રમિત

0
75

અમેરિકાના રાષ્ટ્રપતિ ડોનાલ્ડ ટ્રંપ્ના મોટા દીકરા ડોનાલ્ડ ટ્રંપ જૂનિયરનો કોરોના રિપોર્ટ પોઝિટિવ આવ્યો છે. આ વાતની જાણકારી તેમના પ્રવક્તાએ આપી હતી. તેમણે જણાવ્યું હતું કે ટ્રંપ જૂનિયરમાં કોરોનાના કોઈ લક્ષણ નથી પરંતુ તેનો રિપોર્ટ પોઝિટિવ આવ્યો છે. રિપોર્ટ આવ્યા બાદ તે ક્વોરંટાઈન થયા છે.


ડોનાલ્ડ ટ્રંપ જૂનિયરના પ્રવક્તાએ કહ્યું હતું કે 42 વર્ષીય ટ્રંપ જૂનિયરે સપ્તાહની શરુઆતમાં કોરોના ટેસ્ટ કરાવ્યો હતો. જે રિપોર્ટ પોઝિટિવ આવ્યો છે. ઉલ્લેખનીય છે કે આ પહેલા રાષ્ટ્રપતિ ડોનાલ્ડ ટ્રંપ, તેની પત્ની મેલાનિયા અને ટ્રંપ્ના નાના દીકરા બૈરોનને પણ કોરોના થયો હતો.


અમેરિકામાં કોરોના સંક્રમિતોની સંખ્યા હવે 1 કરોડ 20 લાખને પાર થઈ છે. છેલ્લા 24 કલાકમાં અમેરિકામાં કોરોનાથી 2000થી વધુ લોકોના મોત થયા છે જ્યારે 1 લાખથી વધુ કેસ નોંધાયા છે.

LEAVE A REPLY

Please enter your comment!
Please enter your name here