અનલોક-5ની ગાઇડલાઇન આજે થઈ શકે છે જાહેર, મળી શકે છે ઘણી છૂટ

0
441

સિનેમા હોલ અને પર્યટન સ્થળોને ખોલવાની છૂટ આપવામાં આવે તેવી અટકળો: તહેવારોને ધ્યાનમાં રાખીને નિર્ણય લેવાશે

કોરોના મહામારીની વચ્ચે લાગુ કરવામાં આવેલા લોકડાઉનને અલગ-અલગ ચરણોમાં ખોલવામાં આવી રહ્યું છે. અત્યાર સુધી 4 અનલોકમાં અનેક પ્રકારની છૂટ આપી ચૂકી છે અને અર્થવ્યવસ્થાને ખોલી છે. તેની કડીમાં આજે અનલોક-5 માં 31 ઓક્ટોબર સુધી માટે નવી ગાઇડલાઇનની જાહેરાત કરવામાં આવી શકે છે. ઓક્ટોબરથી ભારતમાં લાંબા સમય સુધી ચાલનારા તહેવારોની મોસમ શરૂ થઈ રહી છે. એવામાં જોવાનું રહેશે કે કોરોનાના વધતા કેસોની વચ્ચે સરકાર હવે કઈ છૂટ આપે છે અને કઈ બાબબતો પર પ્રતિબંધ લગાવે છે.


ગત મહિને ગૃહ મંત્રાલય એ કેટલીક વધુ છૂટ આપવાની વાત કહી હતી અને ધીમે-ધીમે ક્ધટેનમેન્ટ ઝોનની બહાર વધુ ગતિવિધિઓ માટે છૂટ આપી હવી. હવે જ્યાં ઉદ્યોગ આવનારા તહેવારોના દિવસોમાં ગ્રાહકો તરફથી માંગના વધારાની આશા રાખી રહ્યા છે, વધુ છૂટ આપવામાં આવી શકે છે.


જાહેર સ્થળો જેવા કે મોલ, સલૂન, રેસ્ટોરાં, જિમને પહેલા જ કેટલાક નિયમો સાથે છૂટ આપવામાં આવી ચૂકી છે પરંતુ હજુ પણ સિનેમા હોલ, સ્વિમિંગ પૂલ, એન્ટરટેનમેન્ટ પાર્ક નથી ખુલ્યા. એવામાં જોવાનું રહેશે કે તેને ઓક્ટોબરમાં ખોલવાની મંજૂરી મળે છે કે નહીં. જ્યારે તેના માટે મલ્ટીપ્લેક્સ એસોસિએશન ઓફ ઈન્ડિયા તરફથી અનેકવાર વિનંતી કરવામાં આવી ચૂકી છે. જોકે અગાઉની ગાઇડલાઇનમાં 21 સપ્ટેમ્બરથી ઓપ્ન એર થિએટર ખોલવાના નિર્દેશ આપવામાં આવી ચૂક્યા છે.


જેની સામે પશ્ચિમ બંગાળમાં 1 ઓક્ટોબરથી સીમિત સંખ્યામાં લોકોના પ્રવેશની સાથે સિનેમા હોલ ખોલવાની મંજૂરી આપી દીધી છે. બંગાળની મુખ્યમંત્રી મમતા બેનજીર્એ કહ્યું કે, સામાન્ય સ્થિતિ તરફ પરત ફરવા માટે જાત્રા, નાટક, ઓપ્ન એર થિએટર, સિનેમા અને તમામ મ્યૂઝીકલ, ડાન્સ, ગાયકી અને જાદૂના શોની 50 લોકો કે તેનાથી ઓછાની સાથે 1 ઓક્ટોબરથી ખોલવાની મંજૂરી આપવામાં આવી રહી છે. જોકે આ દરમિયાન સામાજિક અંતરના નિયમ, માસ્ક પહેરવા અને બચાવના આવશ્યક ઉપાયોનું પાલન કરવું પડશે.આ પણ વાંચો, શાહિદ આફ્રિદીએ કહ્યું- મોદી સરકાર છે ત્યાં સુધી ભારત-પાકિસ્તાન વચ્ચે સીરીઝ નહીં યોજાય
મહામારી અને લોકડાઉન દરમિયાન પર્યટન ક્ષેત્ર ગંભીર અને માઠી અસર જોવા મળી રહી છે. એવામાં અનલોક-5ની પ્રક્રિયા દરમિયાન વધુ પર્યટન સ્થળો અને ટૂરિસ્ટ સેન્ટરોને પર્યટકો માટે ખોલવામાં આવી શકે છે. આવા જ એક પ્રયાસમાં સિક્કિમ સરકારે 10 ઓક્ટોબરથી હોટલો, હોમ-સ્ટે અને અન્ય ટૂરિમઝમથી જોડાયેલી સેવાઓને શરૂ કરવાનો નિર્ણય લીધો છે. બીજી તરફ, રવિવારે ઓડિશા સરકારે જાહેરાત કરી છે કે ઓક્ટોબરથી તમામ પર્યટન સ્થળોને ખોલી દેવામાં આવશે.

LEAVE A REPLY

Please enter your comment!
Please enter your name here