News Updates
ENTERTAINMENT

નીરજ ચોપરા પેરિસ ઓલિમ્પિક માટે ક્વોલિફાય થયો:વર્લ્ડ એથ્લેટિક્સ ચેમ્પિયનશિપમાં 88.77 મીટરનો જેવલિન થ્રો; ટુર્નામેન્ટની ફાઇનલમાં પહોંચ્યો

Spread the love

ભારતના સ્ટાર જેવલિન થ્રોઅર નીરજ ચોપરાએ વર્લ્ડ એથ્લેટિક્સ ચેમ્પિયનશિપ 2023માં 88.77 મીટરના થ્રો સાથે પેરિસ ઓલિમ્પિક માટે ક્વોલિફાય કર્યું છે. આ સાથે તેણે ફાઈનલમાં પણ પોતાનું સ્થાન નિશ્ચિત કરી લીધું હતું.

નીરજે ક્વોલિફાઇંગ રાઉન્ડના તેના પ્રથમ પ્રયાસમાં 88.77 મીટરનો થ્રો કર્યો, જે તેની સિઝનનો સર્વશ્રેષ્ઠ પણ છે. પેરિસ ઓલિમ્પિક 26 જુલાઈ 2024થી શરૂ થશે.

વર્લ્ડ એથ્લેટિક્સ ચેમ્પિયનશિપમાં ગોલ્ડ જીતી શક્યો નથી
ઓલિમ્પિક, એશિયન ગેમ્સ અને કોમનવેલ્થ ગેમ્સમાં ગોલ્ડ મેડલ જીતવા ઉપરાંત 25 વર્ષીય નીરજ ચોપરા ડાયમંડ લીગ ચેમ્પિયન પણ છે. જોકે, કોઈ ભારતીય ખેલાડીએ ક્યારેય વર્લ્ડ એથ્લેટિક્સ ચેમ્પિયનશિપમાં ગોલ્ડ જીત્યો નથી.

નીરજ ચોપરાએ ગયા વર્ષે ઓરેગોનમાં યોજાયેલી વર્લ્ડ એથ્લેટિક્સ ચેમ્પિયનશિપ 2022માં સિલ્વર મેડલ જીત્યો હતો. આ સાથે મેડલ માટે ભારતની 19 વર્ષની લાંબી રાહનો અંત આવ્યો.

વર્તમાન વિશ્વ ચેમ્પિયન એન્ડરસન પીટર્સ પણ ભાગ લઈ રહ્યો છે
નીરજ ઉપરાંત, ચેમ્પિયનશિપમાં અન્ય ડિફેન્ડિંગ વર્લ્ડ ચેમ્પિયન એન્ડરસન પીટર્સ, લંડન 2012 ઓલિમ્પિક ચેમ્પિયન ત્રિનિદાદ અને ટોબેગોના કેશોર્ન વોલકોટ, જર્મનીના વિશ્વ નંબર 2 જુલિયન વેબર અને પાકિસ્તાનના અરશદ નદીમ છે.

ચેમ્પિયનશિપમાં ભારત પાસે માત્ર બે મેડલ છે
1983માં વર્લ્ડ એથ્લેટિક્સ ચેમ્પિયનશિપ શરૂ થઈ ત્યારથી ભારતે અત્યાર સુધી માત્ર બે મેડલ જીત્યા છે. વિશ્વ એથ્લેટિક્સ ચેમ્પિયનશિપમાં ભારતીય ખેલાડીઓએ અત્યાર સુધીમાં માત્ર બે જ મેડલ જીત્યા છે. અંજુ બોબી જ્યોર્જ પેરિસ 2003માં મહિલાઓની લાંબી કૂદમાં બ્રોન્ઝ સાથે વર્લ્ડ ચેમ્પિયનશિપમાં મેડલ જીતનારી પ્રથમ ભારતીય બની હતી.


Spread the love

Related posts

ભાવનગરની આરિયાનો બોલિવૂડમાં દબદબો:માત્ર એક જ વર્ષની ઉંમરમાં કરી ટીવી કરિયરની શરૂઆત, કહ્યું- આલિયા ભટ્ટ મારી ફેવરિટ, મોટી થઈ હોરર ફિલ્મો બનાવીશ

Team News Updates

સાથે કામ કરવાની પ્રીમિયમ ફી લે છે રણવીર-દીપિકા:દીપિકા એકલી જ દરેક ફિલ્મ માટે 15 કરોડ જેટલી માતબર ફી વસુલે છે, અનેક બ્રાન્ડની છે એમ્બેસેડર

Team News Updates

 ગિનિસ બુકમાં નોંધાયું સાઉથ સ્ટાર ચિરંજીવી નું નામ:45 વર્ષની કારકિર્દીમાં 156 ફિલ્મો, 537 ગીતો, 24,000 થી વધુ ડાન્સ મૂવ્સ કર્યા

Team News Updates