સ્વરા ભાસ્કર માતા બની છે. તેણે એક પુત્રીને જન્મ આપ્યો છે. સ્વરા 23 સપ્ટેમ્બરે માતા બની હતી, જોકે તેની જાહેરાત આજે કરવામાં આવી હતી. સ્વરા અને તેના પતિ ફહાદ અહેમદે તેમની પુત્રીનું નામ રાબિયા રાખ્યું છે. બાળકીનું નામ પ્રખ્યાત સૂફી સંત રાબિયા બસરીના નામ પરથી રાખવામાં આવ્યું છે.
સ્વરા ભાસ્કરે 6 જૂને સોશિયલ મીડિયા પર પોતાની પ્રેગ્નન્સીની જાહેરાત કરી હતી. પતિ ફહાદ સાથેનો ફોટો શેર કરતી વખતે તેણે ખૂબ જ ભાવુક પોસ્ટ પણ શેર કરી હતી.
ફોટો શેર કરતી વખતે સ્વરાએ લખ્યું હતું – ‘ક્યારેક તમારી બધી ઈચ્છાઓ એક સાથે પૂરી થઈ જાય છે. હું આ નવા સફરમાં પગ મૂકવા માટે ખૂબ જ ઉત્સાહિત અને આભારી છું.
ફહાદ-સ્વરાના લગ્ન આ વર્ષે 6 જાન્યુઆરીના રોજ થયા હતા.
ફહાદ અહેમદ અને સ્વરા ભાસ્કરની લવ સ્ટોરી એકદમ ફિલ્મી છે. તેઓએ સ્પેશિયલ મેરેજ એક્ટ, 1954 હેઠળ 6 જાન્યુઆરી, 2023ના રોજ લગ્ન કર્યા હતા. જોકે, લગ્નના લગભગ એક મહિના બાદ અભિનેત્રીએ આ સમાચારને સત્તાવાર જાહેર કર્યા હતા. સ્વરાના પતિ ફહાદ અહેમદ સમાજવાદી પાર્ટીના યુવા નેતા છે.
