ઇયરબડ ફાટવાની એક ચોંકાવનારી ઘટના સામે આવી છે. તુર્કીની એક મહિલાએ કાનમાં ઈયરબડ ફાટવાથી તેની સાંભળવાની ક્ષમતા ગુમાવી દીધી છે. ત્યારે જો કેટલીક ભૂલો તમે પણ કરી રહ્યા છો તો આજે જ ચેતી જજો
સેમસંગના TWS ઇયરબડ્સ બ્લાસ્ટ થવાની ચોંકાવનારી ઘટના સામે આવી છે. કાનમાં ઈયરબડ્સ બ્લાસ્ટ થવાને કારણે મહિલાએ સાંભળવાની ક્ષમતા ગુમાવી દીધી હતી. તુર્કીમાં બનેલી આ ઘટનાએ સમગ્ર વિશ્વમાં વાયરલેસ ઇયરબડનો ઉપયોગ કરતા લાખો વપરાશકર્તાઓ માટે ભારે તણાવ પેદા કર્યો છે. આ દિવસોમાં ઇયરબડ્સ અને પહેરી શકાય તેવા ઉપકરણોનો ટ્રેન્ડ પૂરજોશમાં છે. લાખો લોકોએ તેમની દિનચર્યામાં સ્માર્ટફોનની સાથે ઇયરબડનો પણ સમાવેશ કર્યો છે. તેઓ ફોન કોલ્સ, કાર્ય, કોન્ફરન્સ અથવા મનોરંજન માટે ઇયરબડ્સનો ઉપયોગ કરી રહ્યાં છે. પણ જો તમે બડ્સ લગાવી આવી ભૂલ કરો છો તો આજે જ ચેતી જજો.
સેમસંગ તુર્કીના કોમ્યુનિટી ફોરમ પર, બાયઝીટ નામના યુઝરે દાવો કર્યો હતો કે તેની ગર્લફ્રેન્ડ Galaxy Buds FE નો ઉપયોગ કરી રહી છે. અચાનક તેમાં બ્લાસ્ટ થયો, જેના કારણે તેણે સાંભળવાની ક્ષમતા ગુમાવી દીધી. આ ચોંકાવનારી ઘટના બાદ યુઝરે સેમસંગ પાસેથી ટેક્નિકલ મદદ માંગી જેથી તેની સમસ્યાનું યોગ્ય રીતે નિરાકરણ લાવી શકાય. જોકે, દક્ષિણ કોરિયન કંપની સેમસંગનો પ્રતિસાદ અપેક્ષાઓ ખુબ જ ખરાબ હતો. કંપનીએ વપરાશકર્તાને ઘટના વિશે વિગતવાર માહિતી માંગી અને તેમને ઇયરબડ્સ બદલવાની ઓફર કરી. સેમસંગના પ્રતિસાદથી વપરાશકર્તા ખૂબ જ નિરાશ થયો હતો અને તેણે કોમ્યુનિટી ફોરમ પર પોતાના વિચારો વ્યક્ત કર્યા હતા.
યુઝરે કમ્યુનિટી ફોરમ પર દાવો કર્યો કે દક્ષિણ કોરિયન કંપનીએ આ ઘટના પર માફી માંગી અને કહ્યું કે અમે વિસ્ફોટ થયેલા ઈયરબડ્સની તપાસ કરી હતી અને અમને તેના વિસ્ફોટનું કોઈ નક્કર કારણ મળ્યું નથી. સેમસંગના આ પ્રતિસાદથી વિશ્વભરના લાખો ઇયરબડ યુઝર્સની ચિંતા વધી છે. આવી ઘટનાઓ જીવલેણ બની શકે છે. ઘણા યુઝર્સે સોશિયલ મીડિયા પર સેમસંગની આકરી ટીકા કરી છે અને ગ્રાહકોની સુરક્ષાને ધ્યાનમાં રાખીને આ ઘટનાને ગંભીરતાથી લેવાની સલાહ આપી છે.
સ્માર્ટફોન અથવા અન્ય ઇલેક્ટ્રોનિક ઉપકરણોની જેમ, લિથિયમ-આયન બેટરીનો ઉપયોગ ઇયરબડ્સમાં પણ થાય છે. સામાન્ય રીતે, ઈયરબડ્સમાં 35mAh થી 50mAh સુધીની બેટરી આપવામાં આવે છે. જો કે, તેની તપાસમાં, દક્ષિણ કોરિયાની કંપનીએ ઇયરબડ્સ વિસ્ફોટ થવાનું કોઈ નક્કર કારણ શોધી કાઢ્યું નથી, પરંતુ ઇયરબડ્સમાં ઇલેક્ટ્રિક સર્કિટ પણ હોય છે, જે સમસ્યા ઊભી કરી શકે છે. આથી તેને ચાર્જ કર્યા પછી તરત યુઝ કરવાથી બચો.
આવી સ્થિતિમાં, ઇયરબડ્સનો ઉપયોગ કરતા પહેલા, તે ગરમ છે કે નહીં તે તપાસવું જોઈએ. આમ તેમાં શોર્ટ-સર્કિટને કારણે હોઈ શકે છે. આજકાલ, બજારમાં ઉપલબ્ધ મોટાભાગના ઇયરબડ વોટરપ્રૂફ અથવા પ્રતિરોધક છે. જો કે, આમાં કોઈપણ પ્રકારનું લીકેજ શોર્ટ-સર્કિટની શક્યતા ઊભી કરી શકે છે.
ઇયરબડ્સના સતત ઉપયોગથી કાનમાં ઇયરવેક્સ જમા થાય છે. આ ગંદકી કાનની નળીઓમાં ઊંડે સુધી પહોંચે છે અને તેને નુકસાન પહોંચાડે છે. આથી તેનો સતત ઉપયોગ કરતા બચો.
ઇયરબડ્સ ઊંઘ પર પણ ખરાબ અસર કરે છે. તેનાથી અનિદ્રા અથવા સ્લીપ એપનિયા જેવી સમસ્યાઓ થઈ શકે છે. ઈયરબડ્સને કારણે કાનમાં લોહીનો પ્રવાહ પણ ખરાબ રીતે પ્રભાવિત થાય છે. તેથી, તમારે રાત્રે સૂતી વખતે ઇયરબડ પહેરવાનું ટાળવું જોઈએ, કારણ કે તેનાથી કાનમાં મોટી સમસ્યાઓ થઈ શકે છે.
