હિંમતનગરથી ઇડર રોડ પર આવેલ વીરપુર બાયપાસ રોડ પર ગત રાત્રીના અચાનક ટાયર પંચરની દુકાનમાં આગ લાગી હતી. જેને લઈને ફાયર વિભાગે ઘટના સ્થળે પહોંચી પાણીનો મારો ચલાવી આગ બુઝાવી હતી.
આ અંગેની વિગત એવી છે કે, હિંમતનગરના વીરપુર પાસેના બાયપાસ રોડ પર મુન મુન હોટલ નજીક ટાયર પંચરનું દુકાન આવેલી છે. જેમાં બુધવારે રાત્રિના 2 વાગ્યાના સમયે અચાનક આગ લાગી હતી. જેને સ્થાનિકો દ્વારા હિંમતનગર ગ્રામ્ય પોલીસને જાણ કરાઈ હતી. જેને લઈને ગ્રામ્ય પોલીસ ઘટના સ્થળે આવી હતી. આગ લાગવાને લઈને ટાયર સહિતનો સમાન સળગતા આગે વિકરાળ સ્વરૂપ લીધું હતું. આજુબાજુના લોકો દોડી આવ્યા હતા. પોલીસ દ્વારા હિંમતનગર નગરપાલિકાના ફાયર વિભાગને જાણ કરતા ફાયર વિભાગને ટીમ ઘટના સ્થળે પહોંચી હતી અને અડધો કલાકમાં પાણીનો મારો ચલાવી આગ બુઝાવી હતી. જોકે આગ લાગવાનું કારણ જાણવા મળ્યું હતું.
