અભિનેત્રી મૌની રોય આજે એટલે કે ગુરુવારે મુંબઈના ગોરેગાંવ ફિલ્મ સિટીમાં જોવા મળી હતી. અભિનેત્રી તેના શો ટેમ્પટેશન આઇલેન્ડ ઇન્ડિયાના પ્રચાર માટે બિગ બોસના સેટ પર પહોંચી હતી. મૌની બ્લેક કલરનું ગાઉન પહેરેલી જોવા મળી હતી. અભિનેતા કરણ કુન્દ્રા પણ બિગ બોસના સેટ પર જોવા મળ્યો હતો. વાસ્તવમાં બંને કલાકારો આ શોને હોસ્ટ કરશે. આ કારણે કલાકારો શોના પ્રમોશન માટે બિગ બોસના સેટ પર પહોંચ્યા હતા.
શો ‘ટેમ્પટેશન આઇલેન્ડ ઇન્ડિયા’ શું છે?
ટેમ્પટેશન આઇલેન્ડ એ અમેરિકન ડેટિંગ રિયાલિટી શો છે. આ શોમાં કપલ્સ ભાગ લે છે. હવે આ શો ટેમ્પટેશન આઈલેન્ડ ઈન્ડિયા નામ સાથે આવવા જઈ રહ્યો છે. આ શોમાં કપલ્સ દેશની સામે પોતાના સંબંધોને ટેસ્ટ કરતા જોવા મળશે. તેનું પ્રીમિયર 3 નવેમ્બરના રોજ જીઓ સિનેમા પર થશે.
