News Updates
ENTERTAINMENT

રકુલ-જેકી મુંબઈમાં રિસેપ્શન પાર્ટીનું આયોજન કરશે:ગોવામાં લગ્નગ્રંથિથી બંધાશે, બોલિવૂડ અને સાઉથના સેલેબ્સ હાજરી આપશે; સલમાન પણ હાજરી આપી શકે

Spread the love

બોલિવૂડ એક્ટ્રેસ રકુલ પ્રીત સિંહ અને નિર્માતા જેકી ભગનાની લગ્ન કરવા જઈ રહ્યા છે. રિપોર્ટ્સ અનુસાર, બંને 21 ફેબ્રુઆરીએ ગોવામાં લગ્ન કરશે. હવે બંનેની રિસેપ્શન પાર્ટી સાથે જોડાયેલી માહિતી પણ સામે આવી છે.

ઈન્ડિયા ટુડેના એક રિપોર્ટ અનુસાર, લગ્ન બાદ કપલ મુંબઈમાં રિસેપ્શન પાર્ટીનું આયોજન કરશે, જેમાં બોલિવૂડ સેલેબ્સ હાજરી આપશે.

મુંબઈમાં થશે ભવ્ય રિસેપ્શન, સાઉથ ઈન્ડસ્ટ્રીના લોકો પણ હાજરી આપશે
પ્રાપ્ત માહિતી અનુસાર, આ રિસેપ્શન 22 ફેબ્રુઆરી પછી યોજાવા જઈ રહ્યું છે, જેમાં બોલિવૂડ સેલેબ્સ સિવાય સાઉથ ઈન્ડસ્ટ્રીના ફેમસ સ્ટાર્સ પણ હાજરી આપશે. પ્રખ્યાત નિર્માતા-દિગ્દર્શકો સહિત ઘણી હસ્તીઓ હાજરી આપે તેવી શક્યતા છે.

આ એક શાનદાર ઇવેન્ટ બનશે. આ કારણોસર પાર્ટી માટે પસંદ કરાયેલ સ્થળ ખૂબ મોટું છે. આ લોકેશન મુંબઈના પોશ વિસ્તારમાં આવેલું છે.

ગેસ્ટ લિસ્ટમાં પણ ખુલાસો થયો, સલમાન ખાન પણ હાજરી આપી શકે
રિસેપ્શન પાર્ટી સાથે જોડાયેલું ગેસ્ટ લિસ્ટ પણ સામે આવ્યું છે. નજીકના મિત્રો ઉપરાંત સલમાન ખાન, અજય દેવગન, અક્ષય કુમાર, ટાઈગર શ્રોફ, કરન જોહર, અનિલ કપૂર, અરશદ વારસી, પૃથ્વીરાજ સુકુમારન, નાગા ચૈતન્ય, આયુષ્માન ખુરાના, માનુષી છિલ્લર, કરિશ્મા કપૂર, અલ્લુ અર્જુન, રામ ચરણના નામનો સમાવેશ હતો. મહેશ બાબુ, ડેવિડ ધવન હાજરી આપે તેવી શક્યતા છે.

મિડલ ઈસ્ટમાં ડેસ્ટિનેશન વેડિંગ કરવા જઈ રહ્યા હતા
થોડા દિવસો પહેલાં સમાચાર સામે આવ્યા હતા કે, આ કપલ શરૂઆતમાં મિડલ ઈસ્ટમાં ડેસ્ટિનેશન વેડિંગ કરવા જઈ રહ્યું હતું, પરંતુ પીએમ નરેન્દ્ર મોદીની ‘વેડ ઈન ઈન્ડિયા’ અપીલ બાદ હવે બંને ભારતમાં જ રહેશે અને લગ્ન કરશે.

ગોવામાં વેડિંગ ફંક્શન 3 દિવસ ચાલશે
ગોવામાં લગ્નના ફંક્શન 3 દિવસ સુધી ચાલુ રહેશે. ગોવામાં 19 અને 20 ફેબ્રુઆરીએ પ્રી-વેડિંગ ફંક્શન યોજાશે. આ પછી રકુલ 21 ફેબ્રુઆરીએ જેકી સાથે લગ્ન કરશે. દિલ્હી ટાઈમ્સના સૂત્ર અનુસાર, કપલ લગ્નની તારીખ અને ફંક્શનને ખાનગી રાખવા માગે છે. ડિઝાઈનર્સથી લઈને ફોટોગ્રાફર્સ સુધી કોઈને પણ તારીખ વિશે જાણ કરવામાં આવી નથી.

આવી સ્થિતિમાં લગ્નમાં ‘નો ફોન પોલિસી’ પણ હશે. લગ્નના કોઈ ફોટા લીક ન થાય તેની ખાતરી કરવા માટે લગ્નના મહેમાનો તેમની સાથે તેમના ફોન રાખી શકશે નહીં.

રકુલે 2022માં સંબંધ પર મહોર મારી હતી
રકુલ અને જેકી લગભગ 2 વર્ષથી એકબીજાને ડેટ કરી રહ્યાં છે. બંને ઘણીવાર એકબીજા સાથે વેકેશન પર જતા હોય છે. રકુલે 2022માં તેમના જન્મદિવસ પર એક રોમેન્ટિક ફોટો પોસ્ટ કરીને જેકી સાથેના તેના સંબંધોની પુષ્ટિ કરી હતી. તેણે જેકીને તે વર્ષની ‘સૌથી મોટી ભેટ’ ગણાવી હતી.

તેની લવ સ્ટોરી વિશે, રકુલે એક ઈન્ટરવ્યૂમાં કહ્યું હતું કે તે બંને પાડોશી હતા, પરંતુ તેઓએ ક્યારેય વાત કરી ન હતી. ત્યારબાદ બંનેની મુલાકાત એક કોમન ફ્રેન્ડ દ્વારા થઈ હતી. આ મુલાકાત બાદ બંને વચ્ચે વાતચીત શરૂ થઈ હતી. મિત્રતાના થોડા સમય પછી બંને એકબીજાને ડેટ કરવા લાગ્યા.


Spread the love

Related posts

ઇંગ્લેન્ડનો પ્રથમ દાવ 353 રન પર સમાપ્ત, જો રુટની અણનમ સદી, જાડેજાએ 4 વિકેટ ઝડપી

Team News Updates

ધોની બ્રિગેડ આજે પોઇન્ટ્સ ટેબલમાં ટોપ પર પહોંચી શકે:ચેન્નાઈની શાનદાર શરૂઆત, મોઈન અલીએ ડેન્જરસ કાઇલ મેયર્સને આઉટ કર્યો

Team News Updates

કાર્તિક આર્યને રિમેક અંગે લીધો મહત્ત્વનો નિર્ણય:’શહજાદા’ની ફ્લોપ અંગે વાત કરતા જણાવ્યું, ‘એક ને એક વાર્તા જોવા લોકો થિયેટરમાં કેમ પૈસા ખર્ચશે?’

Team News Updates