પંજાબમાં સંગરૂરમાં શુક્રવાર (23 ફેબ્રુઆરી)એ શ્રી ગુરુ રવિદાસ મહારાજજીના નગર કીર્તન સમયે ગતકા (શીખોનો ધાર્મિક શસ્ત્ર અભ્યાસ) કરતી સમયે એક શીખ યુવક આગની ચપેટમાં આવી ગયો. આગ લાગતા જ યુવક અહીં-ત્યાં ભાગવા લાગ્યો. ઘટના પછી ગતકા જોઈ રહેલાં લોકોમાં પણ અફરાતફરી મચી ગઈ.
તરત જ આગ પર કાબુ મેળવી લેવામાં આવ્યો, જેનાથી યુવકને વધારે ઈજા પહોંચી નથી. જોકે, તેના કપડા બળી ગયા હતા. આ સંપૂર્ણ ઘટના CCTV વીડિયોમાં સામે આવી છે.
પેટ્રોલથી સર્કલ બનાવતી સમયે દુર્ઘટના બની શ્રી ગુરુ રવિદાસ મહારાજજીના નગર કીર્તનમાં સંગરૂરના શીખ સંગઠન પણ સામેલ થયું હતું. આ દરમિયાન તેઓ ગતકા કરી રહ્યા હતા. ગતકા જોવા માટે આસપાસના 150થી વધારે લોકો હાજર હતા. ગતકા કરવા માટે શીખ યુવક બોટલમાં પેટ્રોલ ભરીને સર્કલ બનાવી રહ્યો હતો. તે પછી સર્કલમાં શીખ યુવકે ગતકા (શસ્ત્ર અભ્યાસ) કરવાનું હતું.
પેટ્રોલ રેડતા જ અચાનક આગ લાગી ગઈ. શરીર પર પેટ્રોલ લાગેલું હોવાના કારણે યુવક પણ તેની ચપેટમાં આવી ગયો. ત્યાર બાદ તે અહીં-ત્યાં ભાગવા લાગ્યો.
નિહંગ શીખે આગ પર કાબુ મેળવ્યો
યુવકને આગ લાગતા જ લોકો પાછળ ખસી ગયા. તે પછી આસપાસ રહેલાં નિહંગોએ કોઈ પ્રકારે તે યુવકને લાગેલી આગ પર કાબુ મેળવ્યો. આ ઘટનામાં યુવકને કોઈ પ્રકારની ઈજા પહોંચી નથી.
