અમૂલે દૂધના ભાવમાં લિટરે બે રૂપિયાનો વધારો કર્યાં બાદ હવે, મસ્તી દહીંના ભાવમાં 1 રૂપિયાથી લઈ 10 રૂપિયા સુધીનો વધારો ઝીંક્યો છે.
લોકસભા-2024 ની અંતિમ એટલે કે સાતમા તબક્કાની મતદાન પ્રક્રિયા પૂર્ણ થયાં ના બીજા જ દિવસે અમૂલ દૂધના ભાવમાં લિટરે બે રૂપિયાનો વધારો કરવામાં આવ્યો હતો. ત્યારે, હવે, મતગણતરી પૂર્ણ થતાંની સાથે જ અમૂલે ગ્રાહકોને બીજો મોટો ઝટકો આપ્યો છે. આ વખતે અમૂલ મસ્તી દહીના ભાવમાં 1 થી લઈ 10 રૂપિયા સુધીનો વધારો ઝીંક્યો છે. ત્યારે, હવે ગરીબ અને મધ્યમ વર્ગીય પરિવાર અમૂલના દહીંનો સ્વાદ મસ્તીથી માણી શકશે નહીં.
અમુલ મસ્તી દહીં 200 ગ્રામ જૂનો ભાવ 18 – નવો ભાવ 19
અમુલ મસ્તી દહીં 400 ગ્રામ જૂનો ભાવ 34 – નવો ભાવ 35
અમુલ મસ્તી દહીં 1કિલો જૂનો ભાવ 72 – નવો ભાવ 75
અમુલ મસ્તી દહીં 1 કિલો બકેટ જૂનો ભાવ 100 – નવો ભાવ 110
દેશમાં લોકસભાની ચૂંટણી પૂર્ણ થયા બાદ પરિણામ આવે તે પહેલા જ અમૂલ દ્વારા દૂધના ભાવમાં પ્રતિ લિટર 2 રૂપિયાનો વધારો કરવામાં આવ્યો હતો. 2 જૂનના રોજ અમૂલ દ્વારા અમૂલ ગોલ્ડ, શક્તિ અને ટી સ્પેશિયલના ભાવમાં પ્રતિ લિટર 2 રૂપિયાના વધારાની જાહેરાત કરવામાં આવી હતી.
