News Updates
AHMEDABAD

ત્રણ સિસ્ટમ સક્રિય હાલ ગુજરાત પર:અમદાવાદમાં 60 કિમીની ઝડપે પવન સાથે ભારે વરસાદની શક્યતા,આણંદમાં મેઘરાજાની તોફાની બેટિંગના એંધાણ

Spread the love

હવામાન વિભાગ દ્વારા સૌરાષ્ટ્ર અને દક્ષિણ ગુજરાતમાં છેલ્લા એક સપ્તાહથી અત્યંત ભારે વરસાદની શક્યતાઓ વ્યક્ત કરવામાં આવી છે જેને પગલે સુરતમાં પુરની સ્થિતિ સર્જાઈ છે. ત્યારે આજે (24 જુલાઈ) પણ હવામાન વિભાગ દ્વારા આણંદ જિલ્લામાં અત્યંત ભારે કરતાં પણ વધુ વરસાદની શક્યતા વ્યક્ત કરવામાં આવી છે. દક્ષિણ ગુજરાત તથા સૌરાષ્ટ્રના કેટલાક જિલ્લાઓમાં રેડ એલર્ટ જાહેર કરાયું છે. ત્યારે મધ્ય ગુજરાત અને સૌરાષ્ટ્રના જિલ્લાઓમાં ઓરેન્જ અને ઉત્તર ગુજરાતમાં યલો એલર્ટ જાહેર કરવામાં આવ્યું છે. અમદાવાદવાસીઓને આજે ગરમીમાંથી અંશત રાહત મળે તેવી શક્યતા છે. આ ઉપરાંત અમદાવાદ શહેરના વિવિધ વિસ્તારોમાં હળવાથી મધ્યમ વરસાદી ઝાપટા પડી શકે છે.


હવામાન વિભાગની આગાહી અનુસાર હાલમાં ગુજરાત ઉપર ત્રણ સિસ્ટમ સક્રિય છે, જેને કારણે આગામી પાંચ દિવસ રાજ્યમાં સાર્વત્રિક વરસાદની સંભાવના છે. હાલમાં રાજ્યના ઉત્તર ભાગમાં સર્ક્યુલેશન સક્રિય થયું છે. આ ઉપરાંત દક્ષિણ ગુજરાતમાં ઓફ શોર ટ્રફ તથા સૌરાષ્ટ્રના ભાગમાં શિયર ઝોનની અસરને કારણે આજે સમગ્ર રાજ્યમાં હળવાથી ભારે વરસાદની શક્યતાઓ છે.

આ ઉપરાંત આગામી પાંચ દિવસ દરમિયાન રાજ્યમાં ગાજવીજ સાથે વરસાદની શક્યતાઓ પણ હવામાન વિભાગે વ્યક્ત કરી છે. તથા આજથી પાંચ દિવસ સુધી એટલે કે 28 જુલાઈ સુધી માછીમારોને દરિયો ન ખેડવા સૂચના આપવામાં આવી છે કારણ કે, દરિયાકાંઠાના વિસ્તારોમાં 45થી 55 કિમી પ્રતિ કલાકની ઝડપે પવન ફૂંકાવવાની સાથે ગાજવીજ સહિત વરસાદની શક્યતાઓ છે.

અમદાવાદવાસીઓને આજે ગરમીથી હાશકારો મળવાની સંભાવના છે. આ સાથે જ હવામાન વિભાગ દ્વારા જાહેર કરવામાં આવતા નાવકાસ્ટ બુલેટીનમાં અમદાવાદ શહેરમાં 40થી 60 કિમી પ્રતિ કલાકની ઝડપે પવન ફૂંકાવવાની શક્યતા વ્યક્ત કરવામાં આવી છે. આ સાથે જ ગાજવીજ સાથે હળવાથી ભારે વરસાદની શક્યતા વ્યક્ત કરવામાં આવી છે. આ ઉપરાંત વિવિધ જિલ્લામાં વિવિધ એલર્ટ પણ જાહેર કરવામાં આવ્યા છે.


Spread the love

Related posts

નર્મદા ડેમના 10 દરવાજા બપોર સુધીમાં ખોલાશે:મહારાષ્ટ્ર અને મધ્યપ્રેદશમાં ભારે વરસાદથી 1,66,371 ક્યૂસેક પાણીની આવક, સવારે 8 વાગ્યે ડેમની સપાટી 135.42 મીટર નોંધાઈ

Team News Updates

16 વર્ષની સગીરાને ગર્ભપાતની મંજૂરી:અમદાવાદના નિકોલમાં દુષ્કર્મનો ભોગ બની હતી, હાલ 27 અઠવાડિયાનો ગર્ભ, અસારવા સિવિલ હોસ્પિટલમાં ગર્ભપાત કરાશે

Team News Updates

1 કરોડથી વધુનું MD ડ્રગ્સ ઝડપાયું:અમદાવાદમાં બે પેડલર સહિત ત્રણની ધરપકડ, SG હાઈવે અને નારોલ બ્રિજ પાસે હોટલમાંથી ડ્રગ્સ કરતા સપ્લાય, સપ્લાયર વોન્ટેડ

Team News Updates