ભૂતપૂર્વ મિસ યુનિવર્સ અને બોલિવૂડ અભિનેત્રી સુષ્મિતા સેનની આગામી બાયોપિક ‘તાલી’ છે. મેકર્સે તાજેતરમાં તેનું મોશન પોસ્ટર રિલીઝ કર્યું છે. આ વેબ સિરીઝ ટ્રાન્સજેન્ડર એક્ટિવિસ્ટ ગૌરી સાવંતની વાસ્તવિક જીવન વાર્તા પર આધારિત છે.
જોકે મેકર્સે હજુ સુધી તેની રિલીઝ ડેટ જાહેર કરી નથી, પરંતુ ચર્ચા છે કે તે આ વર્ષે જ OTT પર સ્ટ્રીમ થશે.
ફર્સ્ટ લુક ગયા વર્ષે રિલીઝ થયો હતો
ગયા વર્ષે ઓક્ટોબરમાં સુષ્મિતાએ આ ફિલ્મનો ફર્સ્ટ લુક શેર કર્યો હતો. આ શેર કરતાં તેણે લખ્યું, ‘તાલી’ આ સાથે તેણે લખ્યું, ‘આ સુંદર વ્યક્તિનું પાત્ર ભજવવાનો અને તેની વાર્તાને દુનિયા સમક્ષ લાવવાનો વિશેષાધિકાર મળવાથી વધુ ગર્વની વાત નથી. આ જીવન છે અને દરેકને તેને સન્માન સાથે જીવવાનો અધિકાર છે.
વાણી કપૂર – ચંદીગઢ કરે આશિકી
આયુષ્માન ખુરાના સ્ટારર ફિલ્મ ‘ચંદીગઢ કરે આશિકી’માં વાણી કપૂર લીડ રોલમાં હતી. આ ફિલ્મમાં તેણે માનવી નામનું પાત્ર ભજવ્યું હતું. આ રોલ કરતાં પહેલાં વાણીને ડર હતો કે ટ્રાન્સજેન્ડર સમુદાય તેને આ પાત્રમાં સ્વીકારશે કે નહીં.
રૂબીના દિલાઈક – ‘શક્તિઃ અસ્તિત્વ કા અહેસાસ’ (ટીવી શો)
રૂબિના દિલાઈક ટીવી પર ટ્રાન્સજેન્ડરની ભૂમિકા ભજવનાર પ્રથમ અભિનેત્રી છે. આ પાત્રમાં તેને ખૂબ પસંદ કરવામાં આવી હતી
