PM મોદીએ સ્કૂલ ફ્રેન્ડને ફોન કર્યો, પૂછ્યું-શું સુમન કેવી રહી જિંદગી, બાળપણના મિત્રો, વેલજી, કનુ-પકોને ખૂબ યાદ કર્યાં

0
297

કોરોના મહામારીને શરૂઆત થઈ ત્યારથી પીએમ મોદી તેમના મિત્રો અને જૂના સાથીઓ ખાસ કરીને વયોવૃદ્ધ લોકોના ખબર અંતર પૂછી રહ્યાં છે. તાજેતરમાં પીએમ મોદીએ તેમના સ્કૂલ ફ્રેન્ડ સુમનભાઈને ફોન કર્યો હતો. આ વાતચીત દરમિયાન તેઓએ તેમના બાળપણના સાથીઓ જેવી કે વેલજી, પી.એન ચૌધરી, કનુ અને પકોના નામ લઈને ખૂબ યાદ કર્યાં હતા. આ વાતચીત દરમિયાન તેમણે મિત્રો અને સંતાનોના ખબર પૂછ્યા હતા. તેમજ પીએમ મોદીએ સુમનભાઈના પૌત્ર નિસર્ગ સાથે પણ વાતચીત કરીને તેમના એજ્યુકેશન અંગેની અપડેટ લીધી હતી.

નરેન્દ્ર મોદીઃ શું છે સુમનજી શું કરો છો આજકાલ?
સુમનઃ હા નમસ્તે સર, હાલ રિટાયર્ડ છું અને મારા સનની વાઈફ સાથે આણંદમાં રહીએ છીએ.
નરેન્દ્ર મોદીઃ પહેલા શું કરતા હતા સુમન?
સુમનઃ ડિપ્લોમાં એન્જિનિયરિંગ કરી ડેરીમાં 27-28 વર્ષ કામ કર્યું
નરેન્દ્ર મોદીઃ ડેરીમાં જ કામ કર્યું, ત્યાં સાગરમાં?
સુમનઃ હા સાગરમાં જ
નરેન્દ્ર મોદીઃ તબિયત પાણી કેમ રહે છે?
સુમનઃ સારું ફાઈન
નરેન્દ્ર મોદીઃ વેલજીભાઈ કે કનુ પીકુ મળતા ત્યારે તમને યાદ કરતો હંમેશા
સુમનઃ મને કહેતા એ લોકો, મારે તમને મળવું હતું. સરસ આજે નસીબદાર છું
નરેન્દ્ર મોદીઃ તમારા પુત્રવધૂએ પત્ર લખ્યો મને(હસીને)
સુમનઃ નિસર્ગ મારો બાબાનો બાબો તમારી સાથે વાત કરવા માગે છે
નરેન્દ્ર મોદીઃ આપો…આપો…
સુમનઃ બીજું શું સાયબ નવીનતામાં
નરેન્દ્ર મોદીઃ તબિયત સારી રહે છેને?
સુમનઃતમારી સાયબ?
નરેન્દ્ર મોદીઃ આપણી જોરદાર, તમે રોજ જોતા હશોને ટીવી પર(હસીને)
સુમનઃ હું એમને(નિસર્ગને) આપું છું
નરેન્દ્ર મોદીઃ આપો
નિસર્ગઃ હેલ્લો, હું નિસર્ગ બોલું છું
નરેન્દ્ર મોદીઃ કોણ બોલે?
નિસર્ગઃ નિસર્ગ બોલું છું
નરેન્દ્ર મોદીઃ શું ભણે છે નિસર્ગ?
નિસર્ગઃ હું અત્યારે, બિટ્સ પિલાની હૈદરાબાદ કેમ્પસમાં કોમ્પ્યુટર સાયન્સ કરું છું
નરેન્દ્ર મોદીઃ કેમ અત્યારે કોરોનાને કારણે ઘરે છે?
નિસર્ગઃ હા અત્યારે બધું ઓનલાઈનને કારણે ઘરેથી થાય છે બધું
નરેન્દ્ર મોદીઃ તારા પપ્પા શું કરે છે?
નિસર્ગઃ પપ્પા BSNLમાં અમદાવાદમાં છે
નરેન્દ્ર મોદીઃ અને નિવેદીતા તારી મમ્મી?
નિસર્ગઃ મમ્મી આણંદ જિલ્લામાં ડીપીઓ છે, એટલે આણંદ રહીએ છીએ અમે.
નરેન્દ્ર મોદીઃ ચલો તારા દાદા અમારી જોડે ભણતા હતા અને આજે વર્ષો પછી…
નિસર્ગઃ હા તમે એક વખત તેને યાદ કર્યા હતા ત્યારે તમને મળવાની ઈચ્છા હતી, આજે તમે ફોન કર્યો એટલે આનંદમાં છે
નરેન્દ્ર મોદીઃ એક પી.એન.ચૌધરી કરીને હતા જે આજકાલ અમેરિકામાં છે, મળ્યા ત્યારે સુમનનું યાદ કરાવ્યું હતું.
નિસર્ગઃ હા એ તેમના દોસ્ત છે, ફોન આવતો હોય છે એમનો, પાછો ફોન એમને આપું
નરેન્દ્ર મોદીઃ આપો
સુમનઃ શું સર મજામાં બાકી?
નરેન્દ્ર મોદીઃ બસ, તો શું સુમન કેવી રહી જિંદગી સારી રહી?
સુમનઃ તમારા આશિર્વાદથી બધું ફાઈન છે
નરેન્દ્ર મોદીઃ બધાએ પોત પોતાની તપશ્ચર્યા બોલતી હોય છે ભઇ, પછી છેલ્લે વેલજીભાઈ સાથે સંપર્ક રહેતો હતો?
સુમનઃ હા છેક છેલ્લા દિવસ સુધી
નરેન્દ્ર મોદીઃ મીનુ ક્યાં હોય છે મીનુ વેલજીભાઈની?
સુમનઃ મીના? રહે છે વિસનગર
નરેન્દ્ર મોદીઃ નાના હતા એ વખતે મીનુ ખૂબ નાની હતી, કનુ-પકો તો મલ્યા કરતા હતા મને વચ્ચે પણ હવે તો સંપર્ક રહેતો નથી અહીં આવી ગયો એટલે
સુમનઃ કનુએ મને વાત કરી હતી, મને થયું સાયબ બિઝિ હોયને વચ્ચે ડિસ્ટર્બ કરવા
નરેન્દ્ર મોદીઃ ના, મને મેસેજ મોકલ્યો એવું આ લખ્યું છે નિવેદીતાએ, મને મળ્યો નહીં નહીંતર તો હું તરત ફોન કરું
સુમનઃ સરસ…સરસ…સર ખૂબ ખૂબ આભાર
નરેન્દ્ર મોદીઃ ચાલો તબિયત સાચવજો, કોરોનામાં ધ્યાન સાચવવું પડે
સુમનઃ હા સાયબ ખૂબ પ્રગતિ કરો
નરેન્દ્ર મોદીઃ આ નિસર્ગને ભણાવી ગણાવીને ખૂબ આગળ વધારો
સુમનઃ ઓકે. સાયબ

LEAVE A REPLY

Please enter your comment!
Please enter your name here