SBIમાં લોકર લેવાનું વિચારી રહ્યા હો તો બેંક નાના લોકર માટે 500 રૂપિયા અને GST વસૂલી રહી છે, સમયસર ભાડું ન આપ્યું તો દંડ પણ ચૂકવવો પડે છે

0
124
  • એક નાણાકીય વર્ષમાં 12 વખત લોકર વિઝિટ ફ્રી રહે છે
  • SBIએ આ વર્ષે જ લોકરના ચાર્જમાં 33% સુધીનો વધારો કર્યો હતો

જો તમે દેશની સૌથી મોટી બેંક સ્ટેટ બેંક ઓફ ઇન્ડિયા (SBI)માં લોકર લેવાનું વિચારી રહ્યા હો તો એ પહેલાં તમારે જાણવું જોઈએ કે બેંક કઈ સાઇઝના લોકર માટે કેટલો ચાર્જ વસૂલે છે. SBIએ આ વર્ષે ફેબ્રુઆરીમાં લોકરની ફીમાં 33% સુધીનો વધારો કર્યો છે. તો ચાલો SBI લોકર માટે કેટલો ચાર્જ લે છે જાણીએ.
કેટલો ચાર્જ આપવો પડશે?

લોકર સાઇઝમેટ્રો અને અર્બન બ્રાંચમાં ચાર્જ (રૂ.માં)રૂરલ અને સેમી-અર્બન બ્રાંચમાં ચાર્જ (રૂ.માં)
સ્મોલ2000+GST1500+GST
મીડિયમ4000+GST3000+GST
લાર્જ8000+GST6000+GST
એક્સ્ટ્રા લાર્જ12000+GST9000+GST

રજિસ્ટ્રેશન ચાર્જ
SBI નાના અને મીડિયમ સાઇઝના લોકર માટે 500 રૂપિયા વત્તા GST અને મોટા લોકર માટે 1000 રૂપિયા ઉપરાંત GST રજિસ્ટ્રેશન ફી લે છે. તમારે શરૂઆતમાં એકવાર આ ચાર્જ ચૂકવવો પડશે.

વિઝિટ ચાર્જ કેટલો છે?
એક નાણાકીય વર્ષમાં 12 વખત લોકર વિઝિટ ફ્રી રહે છે. ત્યાર બાદ બેંક દરેક વિઝિટ પર 100 રૂપિયા+ GST વસૂલે છે.

સમયસર ભાડું ન આપ્યું તો દંડ ચૂકવવો પડી શકે છે
સમયસર લોકર ભાડું ચૂકવવામાં નિષ્ફળતાના પરિણામ રૂપે 40%નો દંડ ભરવો પડી શકે છે. રિઝર્વ બેન્ક ઓફ ઇન્ડિયા (RBI)ના નિયમો અનુસાર, જો તમે 1 વર્ષમાં તમે ઓછામાં ઓછું એકવાર ન ખોલ્યું હોય તો બેંકને તમારું લોકર ખોલવાની મંજૂરી છે. જોકે તે તમારું લોકર ખોલતાં પહેલાં તમને નોટિસ મોકલે છે.

લોકરનો વીમો પણ ઊતરાવી શકાય છે
બેંક તમારા લોકરમાં મૂકેલા સામાનને સુરક્ષિત તો રાખે છે, પરંતુ જો એ ચોરાઈ જાય તો તેનું વળતર નથી આપતી. આ ઉપરાંત ભૂકંપ કે પૂર, આતંકવાદી હુમલો અથવા ચોરી વગેરે જેવી કુદરતી આફતના કિસ્સામાં વળતરની ખાતરી આપવામાં આવતી નથી. આવી ઘટનાઓથી તમારે ઘણું આર્થિક નુકસાન ભોગવવું પડે છે. જો આ નુકસાનથી બચવું હોય તો લોકરનો વીમો ઊતરાવી શકાય. આ ઓફર ‘બેંક લોકર પ્રોટેક્ટર પોલિસી’ તરીકે આપવામાં આવે છે. જોકે જો બેંકની બેદરકારીને કારણે ગ્રાહકનું નુકસાન થાય તો વળતરની જોગવાઈ છે.

LEAVE A REPLY

Please enter your comment!
Please enter your name here