દરરોજના 350 જેટલા કેસ છતાં અમદાવાદીઓ બેદરકાર અને બેખૌફ, કાલુપુર શાકમાર્કેટ, કાલુપુર દરવાજા-લાલ દરવાજા વિસ્તારમાં ખરીદી કરવા ફરી ટોળે વળ્યાં

0
66
  • શહેરમાં કોરોનાને નિયંત્રિત કરવા બે દિવસનો કર્ફ્યૂ લગાવ્યો છતાંય લોકો સુધરતા નથી
  • આ પરિસ્થિતિમાં જો કોઈ કોરોના સંક્રમિત ત્યાંથી પસાર થાય તો મોટો કોરોના વિસ્ફોટ થવાની શક્યતાઓ છે
  • ભદ્ર પાથરણા બજારમાં કારંજ પોલીસ અને કોર્પોરેશનની નિષ્ફળતા આજે દેખાઈ રહી છે

અમદાવાદમાં કોરોનાના કેસોમાં મોટો વધારો થતાં કર્ફ્યૂ લગાવવાની નોબત આવી છે. સંક્રમણને નિયંત્રિત કરવા લોકોને ઘરમાં મોકલવા જરૂરી છે ત્યારે આજે કર્ફ્યૂ ખૂલતાની સાથે જ લોકોની બેદરકારી સામે આવી છે. દિવ્યભાસ્કર દ્વારા શહેરના મોટા બજારોની તપાસ કરવામાં આવી ત્યાં જાણવા મળ્યું કે શહેરમાં કોરોનાનો ખૌફ છે પણ લોકો બેખૌફ થઈને ફરી રહ્યાં છે. શહેરમાં કાલુપુર શાકમાર્કેટમાં મોટી સંખ્યામાં લોકો ખરીદી કરવા નીકળી પડ્યાં છે. ત્યાં લોકોની મોટી ભીડ જામી છે. ટ્રાફિક પણ ભરચક છે. આ પરિસ્થિતિમાં જો કોઈ કોરોના સંક્રમિત ત્યાંથી પસાર થાય તો મોટો કોરોના વિસ્ફોટ થવાની શક્યતાઓ છે.

ભદ્ર પાથરણાં બજારમાં લોકોનાં ટોળા વળ્યાં

ભદ્ર પાથરણાં બજારમાં લોકોનાં ટોળા વળ્યાં

લોકો બિંદાસ્ત માસ્ક વિના ફરી રહ્યાં છે
અમદાવાદમાં લગાવવામાં આવેલો કર્ફ્યૂ આજે સવારે જ ઉઠાવી લેવામાં આવ્યો છે. ત્યારે શહેરના લાલદરવાજા ભદ્ર પાથરણા બજારમાં દિવાળી પહેલા અને પછી જે રીતે બજારો ભરાય છે,તેવી જ ભીડ અને સરકારની ગાઈડલાઈનના સરેઆમ લોકો લીરેલીરા ઉડાવી રહ્યાં છે. બે દિવસના કર્ફ્યૂ બાદ આજે દિવ્ય ભાસ્કરે તપાસ કરતાંભદ્ર પાથરણાં બજારમાં લોકોની ભીડ જોવા મળી હતી. લોકો સોશિયલ ડિસ્ટન્સ અને માસ્ક પહેર્યા વિના ફરી રહ્યાં છે.

કોરોનાનો ખૌફ છતાંય લોકો બેફૌફ
આજે કર્ફ્યૂ ઉઠાવી લીધા પછી સવારથી ભદ્ર બજારમાં લોકોની ભીડ જામી હતી. સરેઆમ લોકો માસ્ક વિના ફરી રહ્યાં હતાં. પરંતુ નિયમોનું પાલન કરાવવા માટે પોલીસની હાજરી ત્યાં જોવા મળી નહતી. શહેરમાં કોરોનાનો ખૌફ હોવા છતાં લોકો બેખૌફ થઈને ફરી રહ્યાં છે. રોડ પર અને પોલીસ સ્ટેશનની બહાર જ પાથરણાનું દબાણ હતું. ભદ્ર બજારમાં મ્યુનિસિપલ કોર્પોરેશનની દબાણ ખસેડવાની ગાડીઓ પડી હતી પરંતુ તેમાં કોઈ દબાણનો સામાન હતો નહિ. એકતરફ રાજ્ય સરકાર બે દિવસ કરફ્યુના નામે લોકોને ઘરમાં રાખ્યા હતા.પરંતુ બીજા જ દિવસે અમદાવાદના બજારોમા ફરીવાર જૈસે થે જેવી સ્થિતિ ઉભી થઇ છે. ભદ્ર પાથરણા બજારમાં કારંજ પોલીસ અને કોર્પોરેશનની નિષ્ફળતા આજે દેખાઈ રહી છે.

ત્રણ દરવાજા પાસે લોકોની ઘોર બેદરકારી દેખાઈ

ત્રણ દરવાજા પાસે લોકોની ઘોર બેદરકારી દેખાઈ

ભદ્ર પાથરણા બજારમાં લોકો પર કોઈ નિયંત્રણ નહીં

ભદ્ર પાથરણા બજારમાં લોકો પર કોઈ નિયંત્રણ નહીં

કારંજ પોલીસ સ્ટેશનના PI અને PSI કોરોના પોઝિટીવ
દિવાળીના તહેવાર પહેલાં અને પછી બજારમાં લોકોની ભારે ભીડ ઉમટી હતી. ખાસ કરીને ભદ્ર બજારમાં લોકોની બેદરકારીને લીધે નિયમોના ધજાગરાં ઉડતાં જોવા મળ્યાં હતાં. આવી ગંભીર પરિસ્થિતિમાં પણ કારંજ પોલીસે કોઈ કાર્યવાહી કરી નહીં. ત્યાની ભીડ ખુદ કારંજ પોલીસના PI ડી.વી.તડવી અને PSIને ભારે પડી છે. બંને જણા કોરોના પોઝિટીવ આવ્યાં છે. હાલમાં તેઓ હોમ આઈસોલેશનમાં છે. તો લોકોને કેવી રીતે તેઓ કાબુમાં રાખી શકશે?

LEAVE A REPLY

Please enter your comment!
Please enter your name here