VVIP વિમાન:એરફોર્સ વનના આધાર પર PM મોદી માટે તૈયાર થયું એર ઇન્ડિયા વન, આવી છે ખાસિયતો

0
568

આ પ્લેન હવામાં ઉડતા અભેદ કિલ્લા જેવું હશે, ખરીદી પાછળ 8458 કરોડ રૂપિયા સુધી ખર્ચો થશે.

વડાપ્રધાન નરેન્દ્ર મોદી માટે નવું VVIP બોઇંગ વિમાન ‘એર ઇન્ડિયા વન’ આવી રહ્યું છે. આગલા અઠવાડિયે તે દિલ્હીમાં લેન્ડ કરશે. સરકારે વિશેષ રીતે તૈયાર કરવામા આવેલા પહોળું માળખું ધરાવતા બોઇંગ 777-300 ER વિમાન ઓર્ડર કર્યા છે. તેમાંથી એક વડાપ્રધાન મોદી માટે અને બીજું રાષ્ટ્રપતિ રામનાથ કોવિંદ માટે હશે.

અમેરિકાના રાષ્ટ્રપતિ જેવું વિમાન

અમેરિકાના રાષ્ટ્રપતિ દ્વારા ઉપયોગમાં લેવાતા એરફોર્સ વનના આધાર પર જ ભારત માટે VVIP એરક્રાફ્ટ એર ઇન્ડિયા વન તૈયાર કરવામા આવ્યું છે. આ બન્ને વિમાનને અમેરિકામાં વિશેષ રીતે તૈયાર કરવામા આવી રહ્યા છે. તેમના આગમન બાદ એયર ઇન્ડિયા VVIP કેટેગરીમાંથી 25 વર્ષ જૂના બોઇંગ 747 વિમાન હટાવી લેવામા આવશે. આ બન્ને વિમાન ભારતીય એરફોર્સના પાયલટ દ્વારા ચલાવવામા આવશે.

એયર ઇન્ડિયા, ઇન્ડિયન એરફોર્સ અને સરકારના અમુક અધિકારીઓ સાથે સુરક્ષાકર્મીઓનું એક ગ્રુપ આ વિમાનને ભારત લાવવા માટે અમેરિકા ગયું છે.

આ વિમાનનની ખાસિયત શું છે?
-એયર ઇન્ડિયા વન એડવાન્સ્ડ અને સિક્યોર કમ્યુનિકેશન સિસ્ટમથી સજ્જ છે. આ વિમાન એક રીતે હવાઇ કમાન્ડ કેન્દ્ર તરીકે કામ કરે છે જેના લેટેસ્ટ ઓડિયો-વીડિયો સંચારને હેક અથવા તો ટેપ ન કરી શકાય.
– આ વિમાન મજબૂત કિલ્લા જેવું છે. તેની ખરીદી માટે લગભગ 8458 કરોડ રૂપિયાનો ખર્ચો થશે.
– આ વિમાનમાં પોતાની મિસાઇલ ડિફેન્સ સિસ્ટમ, સેલ્ફ પ્રોટેક્શન સૂટ છે જે દુશ્મન દેશોની રડાર ફ્રિક્વન્સીને જામ કરી શકે છે.
– આ વિમાનની અંદર એક કોન્ફરન્સ રૂમ, VVIP મહેમાનો માટે કેબિન, એક મેડિકલ સેન્ટર અને સાથે સ્ટાફ માટે સીટો હશે.
– આ વિમાન પર ઇન્ડિયા વન (જેને AI-1 or AICOO1 પણ કહેવામા આવે છે)ની ખાસ પ્રકારની સાઇન હશે. આ સાઇનનો અર્થ છે કે તે વિમાનમાં વડાપ્રધાન અથવા રાષ્ટ્રપતિ સવારી કરી રહ્યા છે.
– આ વિમાન પર અશોક ચક્ર સાથે ભારત અન ઇન્ડિયા પણ લખેલું હશે.
– આ વિમાન એક વખત ઇંધણ ભરીને લગાતાર 17 કલાક સુધી ઉડાન ભરી શકશે. અત્યારે VVIP ગ્રુપમાં જે વિમાન છે તે માત્ર 10 કલાક જ સતત ઉડી શકે છે.

LEAVE A REPLY

Please enter your comment!
Please enter your name here