ઈન્ડિયા મોબાઈલ કોંગ્રેસ 2023 ઈવેન્ટનો આજે દિલ્હીના પ્રગતિ મેદાન ખાતે પ્રારંભ થયો હતો. વડાપ્રધાન નરેન્દ્ર મોદીએ આ ત્રણ દિવસીય કાર્યક્રમની શરૂઆત સવારે 9:45 કલાકે કરી હતી. અહીં Jio, Airtel, Ericsson જેવી કંપનીઓએ તેમની નવી ટેક્નોલોજી દર્શાવી છે.
જિયો ઈન્ફોકોમના ચેરમેન આકાશ અંબાણી, એરટેલના ચેરમેન સુનીલ ભારતી મિત્તલ અને આદિત્ય બિરલા ગ્રુપના ચેરમેન કુમાર મંગલમ બિરલા પણ ઈવેન્ટના પ્રથમ દિવસે હાજર રહ્યા હતા.
આ વર્ષે IMC ની સાતમી આવૃત્તિ છે. તેમાં 22 દેશોમાંથી લગભગ 1 લાખ લોકો ભાગ લે તેવી અપેક્ષા છે. તેમાં 5000 CEO સ્તરના પ્રતિનિધિઓ અને 400 સ્ટાર્ટઅપ્સ સામેલ હશે.
Ericsson 6G ઝોનની મુલાકાત લીધી અને ટેકનોલોજી વિશે માહિતી મેળવી
પીએમ એરિક્સન એરેનાની મુલાકાત લીધી હતી.અહીં એરિક્સન ઇન્ડિયાના એમડી નીતિન બંસલે 6જી ઝોનમાં આ ટેક્નોલોજી વિશે માહિતી આપી હતી. સ્અકિલ ડેવલપમેન્ટ અને સિટીઝન સેવાઓ માટે AI આધારિત ટેકનોલોજી પણ પ્રગતિ મેદાન ખાતે પ્રદર્શિત કરવામાં આવી છે. પીએમએ આ અંગે માહિતી પણ લીધી હતી.
એર ફાઈબર, જિયો ભારત ડિવાઈસ વિશે માહિતી લીધી
પ્રગતિ મેદાનમાં પહેલો સ્ટોલ Jio ઈન્ફોકોમનો છે. કંપનીના ચેરમેન આકાશ અંબાણીએ પીએમ મોદીને Jio Air Fiber અને અન્ય ટેક્નોલોજી વિશે જાણકારી આપી હતી. Jio Bharat ડિવાઈસ પણ અહીં પ્રદર્શિત કરવામાં આવ્યું છે. પીએમે પણ આ ફોન જોયો હતો.
ઇવેન્ટમાં 6G ટેક્નોલોજી, ડ્રોન મેન્યુફેક્ચરિંગ પર ફોકસ
ઈન્ડિયા મોબાઈલ કોંગ્રેસ 5G વિસ્તરણ, 6G તૈયારીઓ, પ્રસારણ, ડ્રોન ડિવાઈસ ઉત્પાદન, સેમિકન્ડક્ટર ઉત્પાદન અને ટકાઉ ટેકનોલોજી પર ધ્યાન કેન્દ્રિત કરશે. વધુમાં, ભારતમાં AI નો ઉપયોગ પણ ઇવેન્ટમાં મુખ્ય વિષય બનવાની અપેક્ષા છે.
કાર્યક્રમ દરમિયાન, પીએમ મોદી દેશભરની શૈક્ષણિક સંસ્થાઓને 100 ‘5જી યુઝ કેસ લેબ્સ’ પણ રજૂ કરશે. આ વખતની ઇવેન્ટની થીમ ‘ગ્લોબલ ડિજિટલ ઇનોવેશન’ છે. INC ખાતે એસ્પાયર પ્રોગ્રામ પણ શરૂ કરવામાં આવ્યો હતો, જે ટેલિકોમ અને ડિજિટલ ડોમેન્સમાં યુવા સાહસિકોને તેમના વ્યવસાયોને મજબૂત બનાવવામાં મદદ કરશે.
ઇવેન્ટમાં જોડાવા માટે તમારે રજીસ્ટ્રેશન કરાવવું પડશે
જો તમે આ ઇવેન્ટમાં ભાગ લેવા માંગતા હોવ તો તમારે તેના માટે રજીસ્ટ્રેશન કરાવવું પડશે. નોંધણીની સુવિધા IMC ની સત્તાવાર વેબસાઇટ પર આપવામાં આવે છે. નોંધણી માટે તમારે એક ફોર્મ ભરવાનું રહેશે. જેમાં નામ, કંપનીનું નામ, હોદ્દો અને ઈમેલ આઈડી આપવાનું રહેશે. આ પછી, તમે રજિસ્ટર બટન પર ક્લિક કરશો કે તરત જ તમારું રજિસ્ટ્રેશન થઈ જશે.
ડેલિગેટ ઓલ ડેના પાસની કિંમત રૂ. 15,000 છે
27 થી 29 ઓક્ટોબર સુધી ચાલનારી આ ઇવેન્ટમાં હાજરી આપવા માટે ડેલિગેટ ઓલ ડે પાસની કિંમત 15,000 રૂપિયા છે. ડેલિગેટ વન ડે પાસની કિંમત રૂ. 5,000 છે. અને મુલાકાતીઓ, કોલેજો, સરકાર અને મીડિયા માટે કોમ્પલીમેન્ટ્રી પાસ ઉપલબ્ધ છે.
એશિયાની સૌથી મોટી ટેકનોલોજી ઇવેન્ટ
ઈન્ડિયા મોબાઈલ કોંગ્રેસની વેબસાઈટ અનુસાર, IMC એશિયાનું સૌથી મોટું ટેલિકોમ, મીડિયા અને ટેકનોલોજી ફોરમ છે. તે ડિપાર્ટમેન્ટ ઓફ ટેલિકોમ્યુનિકેશન્સ (DOT) અને સેલ્યુલર ઓપરેટર્સ એસોસિએશન ઓફ ઈન્ડિયા (COAI) દ્વારા સંયુક્ત રીતે આયોજિત કરવામાં આવે છે. એશિયાની સૌથી મોટી ટેક્નોલોજી ઇવેન્ટ હોવા ઉપરાંત, IMC ટેક્નોલોજી ક્ષેત્રે ભારતની સૌથી મોટી નેટવર્કિંગ ઇવેન્ટ પણ છે.
