ભારતીય હવામાન વિભાગ (IMD)એ મધ્યપ્રદેશ, મહારાષ્ટ્ર, કર્ણાટકમાં વરસાદ માટે યલો એલર્ટ જાહેર કર્યું છે. બંગાળની ખાડીમાં સર્જાયેલા ચક્રવાતને કારણે તમિલનાડુમાં પણ વરસાદનું એલર્ટ છે.
અહીં, ખાનગી હવામાન એજન્સી સ્કાયમેટે કેરળમાં પણ હળવાથી મધ્યમ વરસાદની આગાહી કરી છે. જમ્મુ-કાશ્મીર, હિમાચલ પ્રદેશ અને ઉત્તરાખંડમાં વરસાદની સાથે હિમવર્ષા થઈ શકે છે.
જમ્મુ-કાશ્મીર અને હિમાચલ પ્રદેશમાં ભારે હિમવર્ષા થઈ રહી છે. હિમાચલના લાહૌલ સ્પીતિમાં હિમવર્ષા બાદ 35 રસ્તાઓ અને 45 વીજળી ટ્રાન્સફોર્મર અટકી પડ્યા છે. NH-3 સોલંગનાલાથી અટલ ટનલ અને NH 305 જલોરી જોટ રોડને વાહનવ્યવહાર માટે બંધ કરી દેવામાં આવ્યો છે.
જમ્મુ-કાશ્મીરમાં હિમવર્ષા બાદ કુપવાડાથી તંગધાર કેરન રોડ બંધ કરી દેવામાં આવ્યો છે. કાશ્મીરને રાજૌરી અને પૂંચને જોડતો મુગલ રોડ પણ બંધ છે. 30 નવેમ્બર, ગુરૂવારે પોશાણાથી પીર કી ગલી સુધીના મુગલ રોડ પર અઢી ફૂટ હિમવર્ષા થઈ હતી.
હિમાચલના અનેક શહેરોમાં તાપમાન 5 ડિગ્રી સુધી પહોંચી ગયું
હિમાચલમાં વરસાદ અને હિમવર્ષાને કારણે કોલ્ડવેવનો પ્રકોપ વધ્યો છે. મહત્તમ તાપમાનમાં ચાર ડિગ્રી સેલ્સિયસ સુધીનો ઘટાડો નોંધાયો છે. અનેક શહેરોમાં લઘુત્તમ તાપમાન પણ 5 ડિગ્રીની નજીક પહોંચી ગયું છે. શિમલાના નારકંડાના હતુ માતા મંદિર અને ચંશાલમાં બરફની સફેદ ચાદર છવાઈ ગઈ છે.
આગામી 24 કલાક દરમિયાન શિમલા, કુલ્લુ, કિન્નૌર, મંડી, ચંબા, લાહૌલ સ્પીતિ, કાંગડા અને સિરમૌરના ઊંચા શિખરો પર હિમવર્ષા થવાની સંભાવના છે. હવામાન વિભાગે આગાહી કરી છે કે રાજ્યમાં 3 ડિસેમ્બર સુધી વેસ્ટર્ન ડિસ્ટર્બન્સ સક્રિય રહેશે.
હિમાચલમાં ઠંડીનું મોજું વધ્યું, ઘણા શહેરોમાં તાપમાન 5 ડિગ્રીએ પહોંચ્યું
હિમાચલમાં વરસાદ અને હિમવર્ષાને કારણે કોલ્ડવેવનો પ્રકોપ વધ્યો છે. મહત્તમ તાપમાનમાં ચાર ડિગ્રી સેલ્સિયસ સુધીનો ઘટાડો નોંધાયો છે. અનેક શહેરોમાં લઘુત્તમ તાપમાન પણ 5 ડિગ્રીની નજીક પહોંચી ગયું છે. શિમલાના નારકંડાના હતુ માતા મંદિર અને ચંશાલમાં બરફની સફેદ ચાદર છવાઈ ગઈ છે.
આગામી 24 કલાક દરમિયાન શિમલા, કુલ્લુ, કિન્નૌર, મંડી, ચંબા, લાહૌલ સ્પીતિ, કાંગડા અને સિરમૌરના ઊંચા પહાડો પર હિમવર્ષા થવાની સંભાવના છે. હવામાન વિભાગે આગાહી કરી છે કે રાજ્યમાં 3 ડિસેમ્બર સુધી વેસ્ટર્ન ડિસ્ટર્બન્સ સક્રિય રહેશે.
