ભાવનગર મહાનગરપાલિકા દ્વારા રખડતા ઢોર પકડવાની કામગીરી કરવામાં આવે છે તેવા દાવાઓ કરવામાં આવી રહ્યા છે પરંતુ ભાજપના શાસનમાં રખડતા ઢોરનો ત્રાસ યથાવત જોવા મળી રહ્યો છે અને ગઈકાલે પૂર્વ મેયર મેહુલભાઈ વડોદરિયા સ્કૂટર પર જઈ રહ્યા હતા તે વેળાએ ખુટિયાએ અડફેટે લેતા ઇજા પહોંચતા તાત્કાલિક સારવાર રીતે હોસ્પિટલ ખસેડવામાં આવ્યા હતા.
ભાવનગર શહેરના રૂપાણી સર્કલથી આતાભાઇ તરફ જઈ રહ્યા હતા તે વેળાએ પૂર્વ મેયર મેહુલભાઈ વડોદરિયા ને ખુટિયાએ ઠીક મારતા માથાના ભાગે ઈજા થતાં સારવાર માટે ખાનગી હોસ્પિટલમાં ખસેડવામાં આવ્યા હતા, પૂર્વ મેયર મેહુલભાઈ ના માતાના ભાગે ઈજા પહોંચી હોવાના કારણે તેમનું સીટી સ્કેન અને એક્સરે કરવામાં આવ્યો હતો, પ્રાથમિક તપાસમાં તેમને કોઈ ગંભીર ઇજાઓ પહોંચી ન હોવાથી તબીબે જણાવતા પરિવારજનોએ રાહતનો શ્વાસ લીધો હતો.
