ભારતના કુલ મીઠા ઉત્પાદનનું 70 % મીઠું એક માત્ર ગુજરાતમાં પાકે છે. એમાંથી 35 % મીઠું તો ઝાલાવાડ પથંકના ખારાઘોઢા, ઝીંઝુવાડા, હળવદ અને કૂડાના રણમાં પાકે છે. તેમાંથી એક માત્ર ખારાઘોઢા ભારત દેશમાં, ખારાઘોઢામાં મીઠાની ઢામાં આ વર્ષે અત્યાર સુધીમાં અધધ 15 લાખ મેટ્રિક ટન મીઠાની વિક્રમજનક આવક નોંધાઈ છે. સામાન્ય રીતે 10થી 12 લાખ મેટ્રિક ટન મીઠાનું ઉત્પાદન થાય છે પરંતુ આ વર્ષે મીઠાઉદ્યોગમાં તેજીના તોખાર વચ્ચે બમ્પર ઉત્પાદન નોંધાયું છે.
દેશ અને ગુજરાતમાં મીઠા ઉદ્યોગ
- ભારતમાં મીઠાનું કુલ ઉત્પાદન : 135 લાખ મેટ્રિક ટન
- ગુજરાતમાં મીઠાનું કુલ ઉત્પાદન : 97.20 લાખ મેટ્રિક ટન
- ગુજરાતમાં મીઠાના કુલ એકમ : 591
- ગુજરાતમાં મીઠાઉદ્યોગથી પ્રત્યક્ષ-પરોક્ષ રોજગારી : 1,51,000
- ખારાઘોઢામાં મીઠાની નવી આવક : 15 લાખ મેટ્રિક ટન
