પાલનપુર તાલુકાના ગઢ ગામે બનાસકાંઠા જિલ્લાની 62 મી સુબ્રતો મુખર્જી ફૂટબોલ ટુર્નામેન્ટનો પ્રારંભ કરવા માં આવ્યો છે જેમાં ભાઈઓ તેમજ બહેનોની જુદી જુદી નવ ટીમો વચ્ચે ફૂટબોલ સ્પર્ધા યોજાશે જેમાં વિજેતા ટીમને ટ્રોફી આપીને સન્માનીત કરવામાં આવશે.
બનાસકાંઠા જિલ્લામા ફૂટબોલના ખેલાડીઓને પ્લેટફોર્મ પૂરું પાડવામાં માટે દર વર્ષે સુબ્રતો મુખર્જી ફૂટબોલ ટુર્નામેન્ટ નું આયોજન કરવામાં આવે છે જેમાં આ વર્ષે પાલનપુર તાલુકાના ગઢ ખાતે આવેલ વિમળા વિદ્યાલયના કેમ્પસમાં 62 મી સુબ્રતો મુખર્જી ફૂટબોલ ટુર્નામેન્ટનો પ્રારંભ કરવામાં આવ્યો છે જોકે આ ફૂટબોલ ટુનામેન્ટમાં જીલ્લાની વિવિધ અંડર 14 ભાઈઓની ત્રણ, અંડર 17 ભાઈઓની ત્રણ અને અંડર 17 બહેનોની ત્રણ મળી કુલ નવ ટીમો વચ્ચે સ્પર્ધા નું આયોજન કરાયું છે જેમાં ગઢ સરપંચ ગીતાબેન બેચરભાઈ ભુટકા , જિલ્લા ભાજપના પૂર્વ ઉપાધ્યક્ષ અમૃતભાઈ દેસાઈ કેમ્પસ નિયામક પ્રવિણભાઈ જોષી, જી.કે.ભાટી, આંતરરાષ્ટ્રીય રેફરી આકાશભાઈ મહેતા સહિત અગ્રણીઓ એ આ પ્રસંગે ઉપસ્થિત રહી ફૂટબોલ ખેલાડીઓને પ્રોત્સાહિત કર્યા હતા.
