News Updates
ENTERTAINMENT

વિવાદો વચ્ચે ‘OMG-2’નું ટ્રેલર રિલીઝ:એક પિતા દીકરાને ન્યાય અપાવવા નીકળ્યા, ભગવાન શિવ બનેલા અક્ષય કુમારે કરી મદદ

Spread the love

અનેક વિવાદો વચ્ચે અક્ષય કુમાર સ્ટારર ફિલ્મ ‘OMG 2’નું ટ્રેલર લોન્ચ થયું છે. સોમવારે જ સેન્સર બોર્ડ દ્વારા A પ્રમાણપત્ર આપવામાં આવ્યું હતું. ટ્રેલરની શરૂઆત પંકજ ત્રિપાઠી શિવભક્ત બનીને થાય છે.

ફિલ્મમાં તેનું બાળક આત્મહત્યા કરતો હોય તેવું બતાવવામાં આવ્યું છે. આ બાળકને શાળામાં બેઈજ્જત કરવામાં આવે છે, બાળક આ બેઈજ્જતી સહન કરી શકતો નથી અને રેલ્વે ટ્રેક પર ઉભો રહે છે. બાળકને ન્યાય મળે તે માટે પંકજ ત્રિપાઠીનો રોલ કોર્ટના દરવાજા ખખડાવે છે. ફિલ્મમાં પંકજ ત્રિપાઠીના પાત્રનું નામ કાંતિ શરણ મુદગલ છે.

‘કાંતિ શરણ મુદ્ગલ’ બાળક માટે ન્યાય મેળવવા શિવ પાસે જાય છે
પંકજ ત્રિપાઠીનો રોલ ભગવાન શિવના દ્વારે પોતાના પુત્રને ન્યાય મેળવવાની વાત કરે છે. આ દરમિયાન અક્ષય કુમારની એન્ટ્રી થાય છે. ટ્રેલર પરથી સમજી શકાય છે કે અક્ષય આ વખતે શિવના અવતારમાં જોવા મળી રહ્યો છે. તેમની વેશભૂષા બિલકુલ ભગવાન શંકર જેવી બતાવવામાં આવી છે.

જો કે, આખા ટ્રેલરમાં ક્યાંય પણ તેમને શિવનો અવતાર કહેવામાં આવ્યો નથી. તેમની ભૂમિકા માત્ર ભગવાન શિવના અવતારથી પ્રભાવિત હોય તેવું લાગે છે. દેખીતી રીતે સેન્સર બોર્ડે તેમના પાત્ર સામે વાંધો ઉઠાવ્યો હતો.

યામી ગૌતમ વકીલની ભૂમિકામાં જોવા મળી
ફિલ્મમાં યામી ગૌતમનો પણ મહત્વનો રોલ છે. ટ્રેલરમાં તેને વકીલની ભૂમિકામાં બતાવવામાં આવ્યો છે. ટ્રેલર જોઈને અંદાજ લગાવી શકાય છે કે ફિલ્મમાં યામી નેગેટિવ શેડ છે. તે પંકજ ત્રિપાઠી સામે કેસ લડે છે.

વાતાવરણ હળવું રાખવા માટે કોર્ટરૂમમાં થોડી કોમેડી પણ બતાવવામાં આવી છે. પંકજ ત્રિપાઠી અને જજ વચ્ચેનો સંવાદ સાંભળીને કોઈ પણ હસી શકે છે. આ ફિલ્મમાં રામાનંદ સાગરની રામાયણના ‘રામ’ અરુણ ગોવિલ પણ લીડ રોલમાં છે.

આ છે ફિલ્મની વાર્તા
ફિલ્મની વાર્તા ઉજ્જૈનના મંદિર શહેરમાં રહેતા ભગવાન શિવના પ્રખર ભક્ત કાંતિ શરણ મુદગલની આસપાસ વણાયેલી છે. જીવનની મુશ્કેલ પરિસ્થિતિઓમાં ભગવાન કાંતિ સમક્ષ હાજર થાય છે અને જીવનના પડકારોને ઉકેલવામાં મદદ કરે છે.

સેક્સ એજ્યુકેશન જેવા બોલ્ડ વિષય પર આધારિત આ ફિલ્મમાં અક્ષય કુમાર, પંકજ ત્રિપાઠી અને યામી ગૌતમ મુખ્ય ભૂમિકામાં જોવા મળશે. આ ફિલ્મ 2012માં રિલીઝ થયેલી પરેશ રાવલ અને અક્ષય કુમાર સ્ટારર ‘OMG’ની સિક્વલ છે. આ ફિલ્મમાં અક્ષયે શ્રી કૃષ્ણની ભૂમિકા ભજવી હતી.


Spread the love

Related posts

વેસ્ટ ઈન્ડિઝમાં ટીમ ઈન્ડિયા બીચ પર વોલીબોલ રમી:રોહિત-વિરાટ બાર્બાડોસ પહોંચ્યા, 2 ટેસ્ટ મેચની સિરીઝ પહેલા એક અઠવાડિયાનો પ્રેક્ટિસ કેમ્પ

Team News Updates

 Bigg Boss OTT3 :બિગ બોસે અરમાનને આપી મોટી સજા,વિશાલ પાંડેને થપ્પડ માર્યા પછી

Team News Updates

 CINEMA :વિક્રમ ઠાકોર વાંસળી વગાડવાથી લઈ સિંગરમાંથી ઢોલિવુડમાં સુપર સ્ટાર બનેલા

Team News Updates