News Updates
BUSINESS

Mukesh Ambaniની રિલાયન્સે બનાવ્યો રેકોર્ડ, એક વર્ષમાં લાખો લોકોને આપી નોકરી

Spread the love

દેશની સૌથી મોટી લિસ્ટેડ કંપની રિલાયન્સ ઈન્ડસ્ટ્રીઝ લિમિટેડે (Reliance Industries Limited)નવો રેકોર્ડ બનાવ્યો છે. કંપનીએ એક વર્ષમાં લાખો લોકોને નોકરી પર રાખ્યા છે.

મુકેશ અંબાણી (Mukesh Ambani)ની રિલાયન્સ ઈન્ડસ્ટ્રીએ નવો રેકોર્ડ બનાવ્યો છે. રિલાયન્સ ઈન્ડસ્ટ્રીઝે છેલ્લા એક વર્ષમાં 2.60 લાખ લોકોને નોકરી આપી છે. મુકેશ અંબાણીએ છેલ્લા ત્રણ વર્ષમાં એક પણ રૂપિયો પગાર લીધો નથી. વર્ષ 2022-23માં રિલાયન્સ ગ્રુપે 2.62 લાખ લોકોને નોકરી આપી છે. તેમાંથી 1.8 લાખ લોકો રિટેલ સાથે જોડાયેલા છે, જ્યારે 70,500 લોકો Jio સાથે જોડાયેલા છે. રિલાયન્સ ઇન્ડસ્ટ્રીઝે વિવિધ વ્યવસાયોમાં 2,62,558 નોકરીઓ બહાર પાડીને ભારતીયો માટે રોજગારનો નવો રેકોર્ડ બનાવ્યો છે.

અત્યાર સુધી કોઈ કંપનીએ એક વર્ષમાં આવો રેકોર્ડ બનાવ્યો નથી. રિલાયન્સના વાર્ષિક અહેવાલ મુજબ, 2,45,581 ઓન-રોલ કર્મચારીઓ સાથે, રિલાયન્સ રિટેલ દેશની સૌથી મોટી નોકરીદાતા બની ગઈ છે. RILના કુલ કર્મચારીઓની સંખ્યા વધીને 3.89 લાખ થઈ ગઈ છે.

સતત ત્રીજા વર્ષે નોકરીઓમાં વધારો થયો

આ સતત ત્રીજું વર્ષ છે. જ્યારે રિલાયન્સે નોકરીઓમાં વધારો કર્યો છે. વર્ષે 2021-22માં કંપનીએ પોતાના અલગ-અલગ બિઝનેસમાં રેકોર્ડ 2.32 લાખ નોકરીઓ આપી હતી. અગાઉ, કંપનીએ કોરોના દરમિયાન પણ ઘણા પ્રતિબંધો છતાં વર્ષ 2020-21માં 75,000 નવી નોકરીઓ આપી હતી.

3 વર્ષમાં કંપનીએ જમા કર્યા આટલા લાખ કરોડ

વર્ષના રિપોર્ટ મુજબ રિલાયન્સ ઈન્ડસ્ટ્રીએ આ વખતે સૌથી વધુ ટેક્સ જમા કરવાવાળી કંપની બની છે. 31 માર્ચ 2023 ના રોજ પૂરા થતા છેલ્લા નાણાકીય વર્ષ માટે, રિલાયન્સ ઇન્ડસ્ટ્રીઝે ટેક્સ તરીકે રૂ. 1.77 લાખ કરોડનું યોગદાન આપ્યું છે. અગાઉ, નાણાકીય વર્ષ 2021-22 દરમિયાન, સૌથી મોટી કંપનીએ ટેક્સ તરીકે 1.88 લાખ કરોડ રૂપિયા જમા કરાવ્યા હતા. કંપનીએ પ્રત્યક્ષ અને પરોક્ષ કર, સ્પેક્ટ્રમ ચાર્જ વગેરે સહિત છેલ્લા ત્રણ વર્ષમાં 5.65 લાખ કરોડ રૂપિયા ખજાનામાં જમા કરાવ્યા છે.

28 ઓગસ્ટે મુકેશ અંબાણી કરશે મોટી જાહેરાત

આ વર્ષે ફક્ત રિલાયન્સ ઇન્ડસ્ટ્રીઝ જિયો ફાઇનાન્શિયલ સર્વિસિસના લિસ્ટિંગની રાહ જોઈ રહી છે. બલ્કે શેરબજાર પણ 28મી ઓગસ્ટની આતુરતાથી રાહ જોઈ રહ્યું છે. બજાર નિષ્ણાતો જાણવા માગે છે કે મુકેશ અંબાણી JFS માટે કઈ વ્યૂહરચના બનાવે છે. શું આ વ્યૂહરચના Jio ઇન્ફોકોમ અને રિલાયન્સ રિટેલની જેમ પ્રબળ હશે?


Spread the love

Related posts

બ્લોકીંગ સુવિધા X પર બંધ થશે:મસ્કે કહ્યું- મ્યૂટ ફીચર ચાલુ રહેશે, બ્લોકનો હવે કોઈ અર્થ નથી

Team News Updates

10 ગ્રામના 62 હજાર રૂપિયા, એક વર્ષમાં 67 હજાર સુધી પહોંચી શકે છે; ચાંદી કિલોએ રૂ.75 હજારે પહોંચી

Team News Updates

સેન્સેક્સ 610 પોઈન્ટ ઘટ્યો,નિફ્ટી 19,550 ની નીચે બંધ રહ્યું, બર્જર પેઈન્ટ્સ 5% અને ટેકએમ 4% ઘટ્યા

Team News Updates