News Updates
RAJKOT

સૌરાષ્ટ્ર યુનિવર્સિટીએ 78 લાખના ખર્ચે રમત-ગમતના સાધનો ખરીદ્યા, જૂના સાધનો ધૂળ ખાય રહ્યા છે, બાસ્કેટબોલના પોલ કાપી નાખ્યાં

Spread the love

સૌરાષ્ટ્ર યુનિવર્સિટીના શારીરિક શિક્ષણ વિભાગ દ્વારા રૂ.78 લાખના ખર્ચે રમત-ગમતના નવા સાધનોની ખરીદી કરવામાં આવી છે. વિદ્યાર્થીઓને રમત-ગમત ક્ષેત્રે પ્રોત્સાહન મળે સાથે સાથે સૌરાષ્ટ્ર યુનિવર્સિટીનું નામ રાજ્ય અને રાષ્ટ્રીય કક્ષાએ રોશન કરે તે માટે આ સાધનોની ખરીદી કરવામાં આવી છે. જોકે નવા ખરીદાયેલા સાધનોનો વિદ્યાર્થી ખેલાડીઓ સદુપયોગ કરે તે જરૂરી છે, કારણ કે આ અગાઉ 10 વર્ષ પહેલા શારીરિક શિક્ષણ નિયામક દ્વારા 89 લાખના ખર્ચે ખરીદવામાં આવેલી જીમ્નાસ્ટીક મેટ હજુ ધૂળ ખાય છે.

78 લાખના રમત ગમતના સાધનોની ખરીદી
સૌરાષ્ટ્ર યુનિવર્સિટીના ઇન્ચાર્જ શારીરિક શિક્ષણ નિયામક મિનાક્ષી પટેલે જણાવ્યું હતું કે , RUSA અંતર્ગત મળતી ગ્રાન્ટમાંથી રૂ.78 લાખના રમત ગમતના સાધનોની ખરીદી કરવામાં આવી છે. જેમાં ટેબલ ટેનિસ, બેડમિન્ટન એડજસ્ટેબલ પોલ, વેઇટલિફ્ટિંગ પ્લેટ, ઈલેક્ટ્રોનિક વેઈટ મશીન, લોન ટેનિસ અને રેસલિંગ મેટ, બાસ્કેટબોલ અને વોલીબોલ પોલ સહિતના સાધનો ખરીદવામાં આવ્યા છે. રૂસા દ્વારા મળતી ગ્રાન્ટનો સદુપયોગ કરી રમત ગમતના સાધનોની ખરીદી કરવામાં આવી છે.

બાસ્કેટબોલમાં સ્થાયી પોલી કાપી નાખ્યા
આ દરમિયાન શારીરિક શિક્ષણ નિયામકને એક જ કંપનીના સાધનો ખરીદવામાં આવ્યા અંગેની ફરિયાદ બાબતે પૂછવામાં આવ્યું ત્યારે તેમણે જણાવ્યું કે સરકાર માન્ય GEMની મદદથી જ તમામ સાધનોની ખરીદી કરવામાં આવી છે. તેમાં એક જ કંપનીના સાધનો છે તેવું નથી. આ ઉપરાંત બાસ્કેટબોલમાં સ્થાયી પોલ કાપી નાખવામાં આવ્યા તે બાબતે તેમણે કહ્યું કે, જૂના પોલ ખરાબ થઈ ગયા હોવાથી તે કાપી નાખ્યા અને નવા એડજેસ્ટેબલ પોલ નાખ્યા.

સાધનો સદુપયોગ વિના ધૂળ ન થાય તે જરૂરી
ઉલ્લેખનીય છે કે, સૌરાષ્ટ્ર યુનિવર્સિટીમાં પૂર્વ શારીરિક શિક્ષણ નિયામક જતિન સોની દ્વારા 89 લાખના ખર્ચે જીમ્નેસ્ટીક મેટ સહિતના સાધનોની ખરીદી કરવામાં આવી હતી. તે વખતે સૌરાષ્ટ્ર યુનિવર્સિટીમાં જીમનેસ્ટીકના કોઈ ખેલાડી ન હતા અને આ રમત પણ રમાતી ન હતી તેમ છતાં જીમનાસ્ટિક મેટની ખરીદી થતાં તે વાપર્યા વિનાની પડી રહ્યા છે. આજે પણ આ મેટ ખરાબ હાલતમાં ધૂળ ખાઈ રહી છે. જેથી હાલના ઇન્ચાર્જ શારીરિક શિક્ષણ નિયામક દ્વારા જે રીતે 78 લાખના સાધનોની ખરીદી કરવામાં આવી છે તે સાધનો સદુપયોગ વિના ધૂળ ન થાય તે જરૂરી છે.

10 વર્ષ પહેલા ખરીદેલા સાધનો ધૂળ ખાય છે
પૂર્વ શારીરિક શિક્ષણ નિયામક જતીન સોની દ્વારા જીમનેસ્ટીકની મેટની ખરીદી કરવામાં આવી હતી. 89 લાખના ખર્ચે ખરીદી થઈ હતી, પરંતુ તે વખતે જીમનેસ્ટીકની ગેમ સૌરાષ્ટ્ર યુનિવર્સિટીના મેદાનમાં રમાતી જ ન હતી. જેથી આ મેટનો ઉપયોગ ન થતા આ સાધનો હાલ ધૂળ ખાઈ રહ્યા છે. લાખોના ખર્ચે રમત-ગમતના સાધનોની ખરીદી તો કરવામાં આવે છે, પરંતુ વિદ્યાર્થીઓ દ્વારા તેનો સદુપયોગ થાય અને આ સાધનોની ખરીદી પાછળનો ખર્ચ એળે ન જાય તે જરૂરી છે.

ખેલકૂદના મેદાન 12 પણ કોચ 4 જ છે
સૌરાષ્ટ્ર યુનિવર્સિટીમાં હાલ બાસ્કેટ બોલ, બેડમિન્ટન, જીમ અને સ્વિમિંગના કોચ છે. આ સિવાય 9 રમત એવી છે કે જેના મેદાન છે પણ કોચ નથી. જેમાં આંતરરાષ્ટ્રીય કક્ષાનું હોકીનુ મેદાન, એથલેટિક્સ, ક્રિકેટ, શૂટિંગ રેન્જ, વોલીબોલ, કબડ્ડી, ખો – ખો, હેન્ડબોલ, ફૂટબોલનો સમાવેશ થાય છે. આ ઉપરાંત ટેબલ ટેનિસના કોચ ન હોવાથી હાલ નવા બે ટેબલની થયેલી ખરીદીનો ઉપયોગ થાય તે જરૂરી છે. આ ઉપરાંત યોગ કોચ હોય તો યોગની તાલીમ ઉપરાંત તમામ રમતના ખેલાડીઓને મેડીટેશન આપી શકે.

શારીરિક શિક્ષણ વિભાગ દ્વારા ખરીદી કરાયેલ વસ્તુની યાદી

વસ્તુકેટલી ખરીદી
ટેબલ ટેનિસ2
ટેબલ ટેનિસ સ્કોર બોર્ડ2
બેડમિન્ટન એડજેસ્ટેબલ પોલ4
બેડમિન્ટન નેટ​​​​​4
વેઇટ લીફટિંગ પ્લેટ 295 KG22
વેઈટ લિફ્ટિંગ ઓલમ્પિક બાર4
બારબેલ લોક – 1010
ઓલમ્પિક એડજેસ્ટેબલ બેન્ચ પ્રેસ2
ઈલેક્ટ્રોનિક વેઈટ મશીન 200 KG1
કોમ્પિટીટીવ મોનોફિન3
લોન ટેનિસ મેટ4
રેસલિંગ મેટ80
રેસલીંગ કવર1
બાસ્કેટબોલ મુવેબલ પોલ1
બાસ્કેટબોલ ઇન્ડિકેટર બોક્સ2
વોલીબોલ મૂવેબલ પોલ2
વોલીબોલ નેટ2
વોલીબોલ એન્ટિના8
હેન્ડબોલ મૂવેબલ ગોસ્ટ પોસ્ટ2
હેન્ડબોલ નેટ2

Spread the love

Related posts

11 માસમાં 333.60 કરોડની વેરા વસૂલાત:રાજકોટમાં ટાર્ગેટ પૂરો કરવા ટેક્સ બ્રાંચ માર્ચ એન્ડ સુધી બાકીદારો પર ધોંસ બોલાવશે; દરરોજ 1.50 કરોડની વસુલાત કરવી પડશે

Team News Updates

રાજકોટ બસ પોર્ટમાં દારુ પાર્ટીઓ કરનારાઓ સામે ST અને એજન્સી દ્વારા પોલીસ કાર્યવાહી ટાળવારુપ કાર્યવાહી!

Team News Updates

આગામી સાત દિવસ નવનિર્મિત શ્રી જીરાવલા પાર્શ્વનાથ જિનાલયમાં ભવ્યાતિભવ્ય અંજનશલાકા પ્રતિષ્ઠા મહોત્સવશ્રી ની ભવ્યાતિભવ્ય ઉજવણી

Team News Updates