News Updates
BUSINESS

ગૌતમ અદાણીની વિશ્વના 20 સૌથી અમીર લોકોની લિસ્ટમાં સમાવેશ, જાણો કેટલા નંબરે માર્યો કુદકો

Spread the love

બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણીની કુલ સંપત્તિ વધીને $66.7 બિલિયન થઈ ગઈ છે. જેના કારણે તે હવે વિશ્વના સૌથી અમીર લોકોની યાદીમાં આવી ગયા છે. ગૌતમ અદાણીની નેટવર્થમાં વધારો થવા પાછળનું કારણ છેલ્લા કેટલાક દિવસોમાં તેમની કંપનીઓના શેરમાં થયેલો વધારો છે.

દેશના જાણીતા ઉદ્યોગપતિ અદાણી ગ્રુપના ચેરમેન ગૌતમ અદાણીની સંપત્તિમાં બુધવારે અચાનક ઉછાળો આવ્યો હતો અને તેઓ ફરી એકવાર વિશ્વના 20 સૌથી અમીર લોકોની યાદીમાં સામેલ થઈ ગયા છે. અદાણી ગ્રુપના શેરમાં જંગી વધારા બાદ ગૌતમ અદાણીની નેટવર્થ $6.5 બિલિયન વધી છે. ગૌતમ અદાણીની નેટવર્થમાં વધારો થવા પાછળનું કારણ છેલ્લા કેટલાક દિવસોમાં તેમની કંપનીઓના શેરમાં થયેલો વધારો છે.

એક દિવસમાં સૌથી મોટો ઉછાળો

28 નવેમ્બરે અદાણી ગ્રુપના શેરનું એકંદર માર્કેટ કેપ રૂ. 1.04 લાખ કરોડ વધીને રૂ. 11.29 લાખ કરોડ થયું છે. જે 11 એપ્રિલ 2022 પછી એક દિવસમાં સૌથી મોટો ઉછાળો હતો.

હિંડનબર્ગ રિપોર્ટમાં થયેલા ખુલાસા પર દાખલ કરવામાં આવેલી અરજી પર સુપ્રીમ કોર્ટે કહ્યું હતું કે હિંડનબર્ગ રિપોર્ટને સાચા નિવેદન તરીકે માની શકાય નહીં. સુપ્રીમ કોર્ટે કહ્યું હતું કે હિંડનબર્ગ રિપોર્ટની સત્યતા ચકાસવા માટે કોઈ માધ્યમ નથી, તેથી કોર્ટે સેબીને આ મામલાની તપાસ કરવા જણાવ્યું છે. સુપ્રીમ કોર્ટની આ ટિપ્પણીને કારણે અદાણી ગ્રુપના શેરમાં ઉછાળો જોવા મળ્યો હતો.

તેની તપાસ સેબીને સોંપી હતી

CJI DY ચંદ્રચુડે સુપ્રીમ કોર્ટમાં સુનાવણી દરમિયાન કહ્યું હતું કે અમારે હિંડનબર્ગ રિપોર્ટના આરોપોને સાચા માનવાની જરૂર નથી, કારણ કે તે અમારી સામે નથી. અમે તેની તપાસ સેબીને સોંપી હતી.

કુલ સંપત્તિ $66.7 બિલિયન સુધી પહોંચી

બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણીની કુલ સંપત્તિ $66.7 બિલિયન સુધી પહોંચી ગઈ છે. જેના કારણે ગૌતમ અદાણી હવે 19મા સ્થાને આવી ગયા છે.

બ્લૂમબર્ગ બિલિયોનેર્સ ઈન્ડેક્સની યાદીમાં રિલાયન્સ ઈન્ડસ્ટ્રીઝના ચેરમેન મુકેશ અંબાણી પછી ગૌતમ અદાણી બીજા સૌથી અમીર ભારતીય છે. ટેસ્લાના CEO એલોન મસ્ક $228 બિલિયનની નેટવર્થ સાથે વિશ્વના સૌથી ધનિક વ્યક્તિ છે. આ પછી, એમેઝોનના જેફ બેઝોસ $171 બિલિયન સાથે બીજા સ્થાને છે અને LVMH CEO બર્નાર્ડ આર્નોલ્ટ $167 બિલિયન સાથે ત્રીજા સ્થાને છે.

તેઓ 19માં સ્થાને આવી ગયા છે

મહત્વનું છે કે આ રિપોર્ટમાં પહેલા ભારતીય મુકેશ અંબાણી છે, તેમની નેટવર્શ 90 બિલિયન ડોલર છે અને તે 13માં સ્થાને છે, જ્યારે ગૌતમ અદાણીની નેટવર્થ 67 બિલિયન ડોલર પર પહોચી ચુક્યા છે, 28 તારીખે તેમની કંપનીના શેરમાં વધારો થતા તેઓ 19માં સ્થાને આવી ગયા છે.


Spread the love

Related posts

પેટીએમ માટે એક સાંધતા તેર તૂટે જેવો ઘાટ! RBI એ રાહત આપી તો બીજી તરફ વરિષ્ઠ અધિકારીના ઘરે સીબીઆઈના દરોડા પડ્યા

Team News Updates

અદાણીના શેરમાં તોફાની તેજી, આ અહેવાલ બાદ રોકાણકારોની ખરીદી માટે પડાપડી

Team News Updates

જપ્ત કરાયેલા વાહનોનું સરકાર શું કરે છે, મૂળ માલિકને પરત કરાય છે કે સ્ક્રેપમાં વેચી દેવાય છે? જાણો નિયમ

Team News Updates