News Updates
INTERNATIONAL

15 મિનિટમાં 2 અકસ્માત, 16નાં મોત:વેનેઝુએલામાં કેમિકલ ભરેલા ટ્રકે અનેક વાહનોને ટક્કર મારી, આગ લાગતા 17 ગાડીઓ ફુંકાઈ

Spread the love

વેનેઝુએલાની રાજધાની કરાકાસ પાસેના હાઈવે પર બુધવારે સાંજે 17 વાહનો સળગીને રાખ થઈ ગયા હતા. ગુરુવારે સવારે પણ અહીં મૃતદેહો કાઢવાની પ્રક્રિયા ચાલુ રહી હતી. અત્યાર સુધીમાં 16 લોકોના મૃતદેહ મળી આવ્યા છે. મૃત્યુઆંક વધવાની આશંકા છે.

બીબીસીના અહેવાલ મુજબ, પુરપાટ ઝડપે એક ટ્રકે કેટલાક વાહનોને ટક્કર માર્યા બાદ આગ લાગી હતી. થોડી જ વારમાં આગ નજીકમાં પાર્ક કરેલા વાહનોમાં ફેલાઈ ગઈ હતી.

આ અકસ્માતની માત્ર 15 મિનિટ પહેલા જ બીજો અકસ્માત થયો હતો. અકસ્માતના કારણે હાઈવે પર અનેક વાહનો ફસાઈ ગયા હતા. ત્યારે પુરપાટ ઝડપે આવતી ટ્રકે વાહનોને ટક્કર મારી હતી. ટ્રકમાં કેમિકલ ભરવામાં આવ્યું હતું. ટક્કરને કારણે આગ ફાટી નીકળી હતી અને વાહનોમાં ફેલાઈ ગઈ હતી.

ખરાબ હવામાનને કારણે અકસ્માતની શક્યતા
રિસ્ક મેનેજમેન્ટના ડેપ્યુટી મિનિસ્ટરે કહ્યું- પહેલા અકસ્માતમાં એક ટ્રક અને 3 વાહનો વચ્ચે ટક્કર થઈ હતી. આ પછી હાઈવે જામ થઈ ગયો હતો અને અન્ય અનેક વાહનો રોડ પર પાર્ક થઈ ગયા હતા. ત્યારે અન્ય એક ટ્રકે આવીને વાહનોને ટક્કર મારી હતી.

તેણે કહ્યું- ખરાબ હવામાનને કારણે ડ્રાઈવર જામ જોઈ શક્યો ન હોત. જો કે લોકો કહે છે કે હાઈવે રોડ સારો નથી અને તેની યોગ્ય જાળવણી કરવામાં આવતી નથી.

6 ઘાયલ, હોસ્પિટલમાં ખસેડાયા
અકસ્માત બાદ પોલીસે કહ્યું- હાઇવે પર આ અકસ્માતમાં અનેક વાહનો એકબીજા સાથે અથડાયા હતા. આ અંગેની માહિતી મળતા જ ઈમરજન્સી સેવાઓ ઘટના સ્થળે પહોંચી ગઈ હતી. ઈજાગ્રસ્ત લોકોને તાત્કાલિક હોસ્પિટલમાં લઈ જવામાં આવ્યા હતા.

ઈજીપ્તમાં પણ આવો અકસ્માત થયો હતો
ઑક્ટોબર 28, 2023ના રોજ, ઇજિપ્તમાં એક પછી એક અનેક વાહનો અથડાયા હતા. સ્થાનિક મીડિયા અનુસાર આ અકસ્માતમાં 35 લોકોના મોત થયા છે. જ્યારે 63 લોકો ઘાયલ થયા હતા. પ્રાથમિક માહિતી મુજબ એક કારમાંથી પેટ્રોલ લીક થવાને કારણે અનેક વાહનો અથડાયા હતા. આ પછી તેમને આગ લાગી હતી.

આ અકસ્માત ઇજિપ્તની રાજધાની કૈરોથી 132 કિલોમીટર દૂર બહેરા વિસ્તારમાં થયો હતો. એક પેસેન્જર બસ પણ આ અકસ્માતનો ભોગ બની હતી. જો કે બસમાં કેટલા લોકો મુસાફરી કરી રહ્યા હતા તેની માહિતી આપવામાં આવી નથી.

ચીનમાં 50 વાહનો સળગી ગયા હતા
5 ફેબ્રુઆરી 2023 ના રોજ, ચીનના હુનાન પ્રાંતમાં એક ભયાનક માર્ગ અકસ્માત થયો. 10 મિનિટમાં હાઇવે પર 50 વાહનો એકબીજા સાથે અથડાયા હતા. જેના કારણે અનેક વાહનોમાં આગ લાગી હતી. જેમાં 16 લોકોના મોત થયા હતા જ્યારે 66 લોકો ઘાયલ થયા હતા.


Spread the love

Related posts

માત્ર ભારતમાં જ નહીં PM મોદીના મિત્રના દેશમાં પણ સરકાર સામે ખેડૂતોએ બાયો ચઢાવી, જાણો શું છે માગ ?

Team News Updates

હવામાન વિભાગે 14 ડીગ્રીના ઘટાડા સાથે અત્યાર સુધીની સૌથી ઠંડી રાત્રિ રહેવાની કરી આગાહી

Team News Updates

ઇઝરાયલની મુશ્કેલી 22 વર્ષની અહદ તમીમી:16 વર્ષની ઉંમરે ઇઝરાયલી સૈનિકને થપ્પડ માર્યો; હવે તેણે કહ્યું- અમે તમારું લોહી પી જઈશું

Team News Updates